ب / د ڤێ حەديسا پێغەمبەرێ خۆشتڤيدا (سلاڤێت خودێ لێ بن) باش ديار دبيت ئەو قەدر و بهايێ ئيسلامێ دايە ژنێ، و د ئێك خەزايێت پێغەمبەريدا (سلاڤێت خودێ لێ بن) ژن ژى يێت پشكدار بوون، و يا ئاشكرايە ژنان ئەو شيان نينن يێت زەلامان هەين، بۆ چۆنا دوير ژبەر هندێ پێغەمبەرێ خۆشتڤى (سلاڤێت خودێ لێ بن) زەلامەك دانا دگەل وان؛ دا رێكێ نيشا وان بدەت و رێكێ بۆ وان خۆش بكەت، و ڤى زەلامى دەنگێ خۆ ل وان بلندكر هەروەكى دبێژيتە وان لەزآ بكەن، زوى هەرن، ئينا پێغەمبەرێ خۆشتڤى (سلاڤێت خودێ لێ بن) لێ زڤرى و گۆتێ هێدى هێدى يێ نەرم بە ل گەل ژنان، و قارورە ئەو شيشێ جوان و نازكە و بۆ جوانيێ بەرچاڤان دهێتە گرتن، و كا بۆچى پێغەمبەرێ خۆشتڤى (سلاڤێت خودێ لێ بن) ژن ب قافكێ نازك و جوان دايە نياسين؟
ئێك: دا قەدر و بهايێ ژنێ دياربيت، چونكى دڤێت چاڤدێريا قافك و شيشێ جوان بێتەكرن و جهێ خۆ يێ تايبەت هەبيت، هۆسا دڤێت چاڤدێريا ژنێ ژى بێتەكرن و جهێ خۆ يێ تايبەت هەبيت.
دوو: قافك و شيشێ جوان يێ نازكە و دڤێت دەستێ خۆ نەرم باڤێژنێ هەكە دێ شكێت، هۆسا ژن ژى يا نازكە و دڤێت د ئاخفتنا خۆدا و هەمى تشتێت ديدا دگەل ژنێ د نەرم بين دا هەسـتێ وێ بريندار نەبيت.
سێ: قافك دڤێت ل جهێ تايبەت بيت و هەمى دەست نەچنێ، هۆسا دڤێت ژن ژى يا پاراستى بيت، و خودێ چێتر دزانيت.
