ب / ب راستى د قورئانێدا يان د حەديسا دورستدا نەهاتيە دياركرن، كا دێ ئەزمانێ خەلكێ بەحەشتێ چ بيت، و ئەو حەديسێت د ڤى بواريدا هاتين، نە د دورستن، يان زێدە د لاوازن، پالپشتيا وان ناهێتەكرن يان درەون و چو بنيات بۆ نينن، وەكى حەديسا: (أحبوا العرب لثلاث لأني عربي، والقرآن عربي، وكلام أهل الجنە عربي). ئەڤ حەديسە تەبەرانى د ئەوسەتێدا و حاكمى و بەيهەقي د شوعەبو لئيمانێدا ڤەگێرايە ژ ئبن عەباسى (خودێ ژێ رازی بیت)، بەلى ئبن جوزى و زەهەبى و سەعلەبى و ئەلبانى ڤێ حەديسێ درەو ددانن و چو بنياتێ دورست بۆ نينە و خەلكێ بەحەشتێ دێ ب چ ئەزمان ئاخڤن يان خودێ دێ ب چ ئەزمان دگەل وان ئاخڤيت ئبن تەيميە (خودێ ژێ رازی بیت) دبێژيت: ناهێتە زانين هنگى يان د بەحەشتێدا كا خەلك دێ ب چ ئەزمان دگەلێك ئاخڤن و نەهاتيە زانين كا ئەم دێ ب چ ئەزمان مە گول ئاخفتنا خودێ خۆ بيت، چونكى خودێ مەزن و پێغەمبەرێ وى (سلاڤێت خودێ لێ بن) بۆ مە نەگۆتيە، و هەركەسێ تشتەكى دى بێژيت چو بنيات بۆ نينە، و خودێ چێتر دزانيت.
