ب / گەلەك دەق ژ حەديس و قورئانێ ل سەر ريبايێ يێت هاتين، و ريبا و سەلەف ژ گونەهێت مەزنە، و ژ وان گونەهانە يێت دڤێت مرۆڤ تۆبەكا تايبەت بۆ بكەت، هەكە ئەو ب باشيان ژێ ناچيت، چونكى كەبائير و گونەهێت مەزن ب تۆبێ نەبن ژێ ناچن، چونكى گەلەك جاران هاتيە، رەمەزان هەتا رەمەزانێ، يان ئەينى بۆ ئەينيێ، گونەهژێبەرە بۆ گونەهێت د ناڤبەرا خۆدا هەكە خۆ ژ كەبائير و گونەهێت مەزن بدەتە پاش، بەسە ئەم بزانين خودێ مەزن د راستا سەلەف خۆريدا دبێژيت: رۆژا قيامەتێ دێ هێت و وەكێ شێت و دينان دێ هێت و چيت دا هەمى بزانن گونەها ڤى مرۆڤى چيە، پاشى دبێژيت: ريبايێ نەكەن و بهێلن و هەكە نەهێلن بلا بزانن ئەو شەرى يێ دگەل خودێ مەزن دكەن و ما كێ ئەو شيان و تاقەت هەيە بەرامبەر خودێ راوەستيت و شەرى دگەل بكەت، بلا سەلەف خۆر باش بزانيت ريبا و سەلەف مالى زێدە ناكەت و بەرەكەتێ نائێخيتێ بەلكى بەروڤاژى، بێ بەرەكەت دكەت، و بەرەكەتێ ژێ دبەت، خودێ مەزن دبێژيـت: ((الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُولَئِكَ أَصْحَابُ النَّارِ هُمْ فِيهَا خَالِدُون))(( يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لَا يُحِبُّ كُلَّ كَفَّارٍ أَثِيمٍ))(( إِنَّ الَّذِينَ آمَنُوا وَعَمِلُوا الصَّالِحَاتِ وَأَقَامُوا الصَّلَاةَ وَآتَوُا الزَّكَاةَ لَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ)) ئەوێت سەلەفێ و زێدەييێ دخۆن، رۆژا قيامەتێ وەكى وى ژ گۆران رادبن، ئەوێ تەبۆيى، ئەوێ شەيتانى دين كرى و هنگافتى، چونكى وان دگۆت: هەما كرين و فرۆتن ژى وەكى سەلەفێيە، و خودێ كرين و فرۆتن دورست كريە، و سەلەف دورست نەكريە، ڤێجا يێ شيرەتا خودێ گەهشتێ و سەلەف هێلا و دەست ژێ كێشا، ئەڤا كرى و بۆرى خودێ لێ ناگريت، ئانكو: ئەڤ حوكمە ژ يا بۆرى ناگريت. و ئەو د دەست خودێدايە بڤێت لێ ناگريت و بڤێت دێ ئيزا دەت، و هەچيێ لێ زڤريڤە سەلەفێ بخۆت پشتى بريار و شيرەتا خودێ گەهشتيێ دۆژەهيە، هەروهەر دێ تێدا مينيت. خودێ سەلەفێ بێ بەرەكەت دكەت، و مالێ خێر و سەدەقە ژێ بێتەدان زێدە دكەت و بەرەكەتێ دئێخيتێ، و خودێ حەژ زێدەگاور و تێرگونەهان ناكەت. ب راستى ئەوێت باوەرى ئيناين و كار و كريارێت قەنج كرين، و بەردەوام نڤێژ كرين و زەكاتا مالێ خۆ داين، ڤان خەلاتێ خۆ ل دەف خودێ هەيە، و رۆژا قيامەتێ نە ترس ل سەر وانە و نە ژى ب خەم دكەڤن. گەلى خودان باوەران ژ خودێ بترسن، و ئەو سەلەفا هەوە مايە ل خەلكى بهێلن، ئەگەر راست هوين خودان باوەرن. ڤێجا ئەگەر هەوە ئەڤە نەكر، خۆ بۆ شەرێ خودێ و پێغەمبەرێ وى كار بكەن، چونكى ب راستى ئەڤە د راستا خودێ و پێغەمبەرێ ويدا شەرە هوين دكەن. و ئەگەر هوين لێڤەبوون و هەوە تۆبەكر، سەرێ مالێ هەوە يێ هەوەيە ب ڤى رەنگى نە هوين ستەمێ ل دەينداران دكەن ب وەرگرتنا زێدەييێ و نە ستەم ل هەوە دئێتەكرن ب گيرۆكرنا دانا مالێ هەوە ژ بەرێ وانڤە. و ئەڤ حەديسا پسيار ل سەر هاتيەكرن يا زەعيف و لاوازە، بەلێ گەلەك حەديسێت دى يێت دورست ل سەر حەراميا ريبايێ يێت هاتين و پێغەمبەرى (سلاڤێت خودێ لێ بن) ئێك ژ حەفت گونەهێت مەزن يا داناي و گونەهێت هيلاكبەر پێغەمبەر (سلاڤێت خودێ لێ بن) دبێژيت هەروەكي د بوخارى و موسلمێدا هاتي: خۆ ژ حەفتێت هيلاكبەر بپارێزن، گۆتن: يا پێغەمبەرێ خودێ ئەو چنە؟ گۆت: ((شيركا ب خودێ و سێربەندى و كوشتنا مرۆڤى ژ نەحەقى و خوارنا سەلەفێ و خوارنا مالێ ئێتيمى و رەڤين رۆژا شەرى دگەل گاوران و گونەهكاركرنا ژنێت دەهمەن پاقژ و دلساخ و بێ غال و غەرەز و ئاگەه ژ چو نەيى و خودان ئيمان ب زنايێ)). ديسا موسلم د سەحيحێدا ڤەدگێريت: لەعنەتێت ل سەلەف خۆرى و سەلەفكارى كرين. و ترمزى و غەيرى وى زێدەكريە: و هەردوو شاهدێت وێ و نڤێسەرێ وێ. حەديسێت ل سەر حەراميا ريبايێ و سەلەفيێ گەلەكن و د بوخارى و موسلمى و كتێبێت ديدا يێت حەديسێ و يێت ئاشكرانە، و خودێ چێتر دزانيت.
