ب / ل سەر بهايێ ژبەركرنا چل حەديسان ئەڤ حەديسە ب چەند بێژەيەكا يا هاتى ئەو ژى ئەڤێت خوارێنە: (من حفظ على أمتي اربعين حديثا من امر دينها بعثه الله فقيها وكنت له يوم القيامە شافعا وشهيدا) (من حفظ على أمتي أربعين حديثا من أمر دينها بعثه الله يوم القيامە في زمرە الفقهاء والعلماء) (من حفظ على أمتي أربعين حديثا من السنة كنت له شفيعا يوم القيامە) (من حفظ على أمتي أربعين حديثا ينفعهم الله بها قيل له ادخل الجنة من أي أبواب الجنة شئت) و ل سەر بنياتێ ڤێ حەديسێ كۆمەكا زانايان چل حەديس د كتێبەكا تايبەتدا كۆمكرينە و دبيت يا ژ هەميان ب ناڤ و دەنگتر (ئەربەعينيا نەوەوى يە) خودێ ژێ رازى بيت، بەلێ هەر نەوەوى ب خۆ دبێژيت: رێكێت ڤێ حەديسێ هەمى د لاوازن، و ئبن عەساكر دبێژيت: ئەڤ حەديسە يێ ژ عەلى و عومەر و ئەنەس و ئبن مەسعود و مەعاز و ئەبى ئومامە و ئەبو دەرداْ و ئەبو سەعيد خودآ ژ هەميان رازى بيت هاتيە ڤەگێران ب هندە رێكان هەميا ئاخفتنا تێدا هەى و جهێ دورستكرنێ تێدا نينە، ديسا دارەقوتنى دبێژيت: هەمى رێكێت ڤێ حەديسێ د لاوازن، و ئبن حەجەر دبێژيت: رێكێت ڤآ حەديسێ هەمى من كۆمكرن چو رێك ژ وان د ساخلەم نينن، ديسا بەيهەقى دبێژيت: پشتى ئەڤ حەديسە ئيناى ئەڤە ئاخفتنەكا بەلاڤە بەلێ چو رێكێت دورست نينن، ل ڤێرێ پسيار ئەڤەيە: ئەڤ رێكە هەمى بگەهنە ئێك ژ لاوازيێ بلند دبنە پلەيەكا دى ئان نە، ئەڤە جهێ جوداييێيە، باراپتر ژ زانايێت حەديسێ دبێژن: رێكێت وێ ئێك و دوو ب هێز نائێخن، و خودێ چێتر دزانيت.
