ب / دەقا دورست ئەڤەيە (طلَبُ الْعِلْمِ فَريضة على كل مُسْلِمٍ) و بێ زێدەيى يا (ومُسْلِمَة) و رامانا حەديسێ ئەڤەيە: داخوازكرنا زانينێ واجبە ل سەر هەر موسلمانەكى ـ نێر بيت يان مێ ـ و ژ هەردووكان دگريت و چو جوداهي ناكەڤيتە رامانا حەديسێ چ ئەو زێدەهى دگەل بيت يان دگەل نەبيت، بەلێ فەرە ئەم بزانين هەكە مە بڤێت وەكى حەديس، ڤەگێرين و ڤەگوهێزين، دڤێت بێ ئەو زێدەهي بيت، چونكى ئەو زێدەهى نەيا دورستە، و خودێ چێتر دزانيت.
