ب / بەلێ ئەڤ هەردوو دەقە حەديسن، بەلێ نەدورستن و لاوازن و ئبن حەجەر (خودێ ژێ رازی بیت)، پشتى ئەڤ بێژەيە ئينايى (لا رهبانيە في الإسلام) گۆت: من ب ڤێ بێژەيێ نەديتيە، بەلێ ژ حەديسا سەعدێ كورێ وەقاسى ل دەف بەيهەقى هاتيە: (إن الله أبدلنا بالرهبانيە الحنيفية السمحة)، و حەديسا د ڤێ رامانێدا هندە زانايان باش و حەسن داناى، ڤەگێرا ئبن حەبان و تەبەرانيە، ئێك هاتە دەف پێغەمبەرى (سلاڤێت خودێ لێ بن) و دڤيا بچيتە وەغەرێ و داخواز ژ پێغەمبەرى كر (سلاڤێت خودێ لێ بن) شيرەتان لێ بكەت هەر شيرەتا لێ كربا دابێژيت: هێژ يا پێغەمبەرێ خودێ، هەتا گۆتيێ: (عَلَيْكَ بِالْجِهَادِ فَإِنَّهُ رَهْبَانِية أُمَّتِي) ئانكو: ئاگەه ژ خێرا جيهادێ بي، و هەكە تە بڤێت خێرا رەبەنيێ بۆ تە بێتە نڤێسين جيهادێ بكە، و رەبەنيا ئوممەتا من جيهادە، و رەبەنى يان رەهبەنى رامانا وێ ئەوە خۆ ڤەدەركرن و خۆ دويرئێخستن و مانا ب تنێ ل چۆلى يان ل چيايەكى و ل جهەكێ تايبەت، و خۆ ژ دنيايێ ببريت و پەرستنێ بكەت، و ئەڤە د ئيسلامێدا نينە، د ئيسلامێدا دڤێت خۆ ژ دنيايێ و مال و عەيالى و تێكەليا جڤاكى نەبريت و دوير نەئێخيت، و خودێ چێتر دزانيت.
