ب / بەلێ حەديس ب ڤێ رامانێ يا هاتى، ترمزى ژ ئەنەسێ كورێ مالكى (خودێ ژێ رازی بیت)، ڤەدگێريت، دبێژيت: پێغەمبەرى (سلاڤێت خودێ لێ بن) گۆت: (من صلى الْغَدَاة في جَمَاعَة ثمَّ قَعَدَ يذكُرُ اللَّهَ حتى تَطلُعَ الشَّمْسُ ثمَّ صلى رَكْعَتَيْنِ كانت له كَأَجْر حَجَّە وَعُمْرَە قال: قال رسول اللَّهِ (سلاڤێت خودێ لێ بن) تَامَّة تَامَّة تَامَّة) هەركەسێ نڤێژا سپێدێ ب جماعەت بكەت و روينيتە خوار زكرى بكەت هەتا رۆژ دەردكەڤيت پاشى دوو ركعەتان بكەت خێرا حەجەكێ و عومرەكێ بۆ ويە، پاشى گۆت: پێغەمبەرى (سلاڤێت خودێ لێ بن) گۆت: يا تمام، يا تمام، يا تمام. و ئەڤ سونەتە سونەتا زوحايێيە، و زانايێ ناڤدار عەلى لقارى د ميرقاتولمەفاتيحێدا دبێژيت: مەرج نينە د جهێ خۆدا روينيت و نەرابيت، دشێت ژ جهەكى بچيتە جهەكى بۆ وەرگرتنا زانينەكێ يان بۆ دەرسەكا شيرەتكرنێ بەلكى هەتا ژ مزگەفتا خۆ بێتە مال بەلێ بەردەواميێ بدەتە زكرى هەتا رۆژ دهەلێت و دوو ركعەت سونەتا زوحا دكەت، و خودێ چێتر دزانيت.
