ب / ئەو حەديس ژ ڤەگێرانا بوخارى و موسلميە خودێ ژ هەردوويان رازى بيت ژ ئەبو هورەيرە (خودێ ژێ رازی بیت) دبێژيت: (سبْعَة يُظلُّهُم اللَّه في ظلِّهِ يَوْمَ لا ظلَّ إِلاَّ ظلُّهُ: إِمامٌ عادِلٌ، وَشَابٌ نَشَأَ في عِبَادَە اللَّهِ عَزَّ وَجلَّ، وَرَجُلٌ قَلْبُهُ مَعلَّقٌ بِالمَسَاجِدِ ورَجُلان تَحَابَّا في اللَّهِ اجْتَمَعَا عَلَيْهِ، وَتَفَرَّقَا عَلَيْهِ، ورَجُلٌ دَعَتْهُ امْرَأَة ذاتُ مَنْصِبٍ وَجَمَالٍ، فقال: إِنِّي أَخافُ اللَّه، وَرَجُلٌ تَصَدَّقَ بصَدَقَە، فَأَخْفَاهَا حَتَّى لا تَعْلَمَ شِمَالُهُ ما تُنْفِقُ يَمِينُهُ، وَرَجُلٌ ذكَرَ اللَّهَ خَالِياً فَفَاضتْ عَيْنَاهُ) حەفتان خودێ دێ ئێخيتە بن سيبەرا خۆ رۆژا چو سيبەر نەبن سيبەرا وى نەبيت: پێشەوايێ دادپەروەر، و جەحێلەك د پەرستنا خودێدا راببيت و مەزن ببيت، و مرۆڤەك دلێ وى ب مزگەفتانڤە يێ گرێداى بيت، (ئانكو زێدە حەژ چۆنا مزگەفتان بكەت) و دوو مرۆڤ ل سەر ڤيانا خودێ كۆم ببن و ل سەر ڤيانا خودێ ژێكڤە ببن، (ئانكو ئەگەرێ كۆمبوونا وان ڤيانا خودێ بوو دەمێ دگەلێك د ڤيانا خۆدا د راست بوون و دەمێ ژێكڤەبووين ژى هەر د ڤيانا خۆدا د راست بوون، چونكى ڤيانا وان ل سەر بنياتەكێ موكومە گەلێك بن يان نە.. هەر حەژ ئێك و دوو دكەن) و مرۆڤەك ژنەكا خودان جوانى و دەسهەلات وى داخوازكەتە خۆ، بێژيت: ئەز ژ خودێ دترسم، و مرۆڤەك سەدەقەكێ بدەت هند ڤەشێريت هەتا دەستێ وى يێ چەپێ نەزانيت دەستێ وى يێ راستێ چ مەزاختيە، و مرۆڤەك ب تنێ خودێ ل بيرا خۆ بينيت چاڤێت وى (ژ تراساندا) تژى رۆندك ببن.
و د بنياتدا هەمى دەقێت شەرعى د تەڤگرن ژن و زەلامان دگرن ئەو دەق نەبيت يا هاتيە تايبەتكرن ب ئێك ژ دوويان، و ئەڤ حەديسە ب گشتى يا هاتى و زەلام و ژنێ دگريت، ئەو ژن دێ د بن سيبەرا خودێڤە بن يێت ئەڤ رەوشت و ساخلەتە ل دەف، يێ ئێكێ ئيمامێ عادلە و ئيمامێ نەوەوى دبێژيت: (امام عادل) پێشەوايێ سەرەكى و گشتيە و هەر موسلمانەكێ داپەروەر دگريت كاروبارێت موسلمانان د دەستيدا و يێ دادپەروەربيت هۆسا هەر دەمێ ژن كارەگێ گشتێ يێ موسلمانا پێ هاتە سپارتن و دادپەروەرى تێدا كر ئەڤ حەديسە ژێ دگريت و هەر گاڤا ژنەكا گەنج گەنجينيا خۆ د پەرستنا خودێدا ببەت و مەزن ببيت ئەڤ حەديسە ژێ دگريت هەرگاڤا دلێ وێ ب مزگەفتێڤە هاتە گرێدان و حەژ مەزگەفتێ كر ئەڤ حەديسە ژێ دگريت، چونكى زانا دبێژن (قَلْبُهُ مَعلَّقٌ بِالمَسَاجِدِ) رامانا وێ ئەوە گەلەك حەژ مزگەفتا و نڤێژێت جماعەت بكەت، و هەرگاڤا دوو مرۆڤ (نێر بن يان مێ) ل سەر ڤيانا خودێ كۆم ببن و ل سەر ڤيانا خودێ ژێكڤە ببن، (ئانكو ئەگەرێ كۆمبوونا وان ڤيانا خودێ بوو دەمێ دگەلێك د ڤيانا خۆدا د راست بوون و دەمێ ژێكڤە بووين ژى هەر د ڤيانا خۆدا د راست بوون، چونكى ڤيانا وان ل سەر بنياتەكێ موكومە گەلێك بن يان نە.. هەر حەژ ئێك و دوو دكەن). ئەڤ حەديسە ڤان مرۆڤان دگريت نێر بن يان مێ ، و هەر گاڤا زەلامەكێ خودان جوانى و دەسهەلات ژنەكێ داخوازكەتە خۆ، (و چو تشت نەبن وێ بدەتە پاش نە ترسا دنيايێ و نە شەرما دنيايێ) و بێژيت: ئەز ژ خودێ دترسم، ئەڤ حەديسە ژێ دگريت، و هەر گاڤا ژن سەدەقێ بدەت هند ڤەشێريت هەتا دەستێ وێ يێ چەپێ نەزانيت دەستێ وێ يێ راستێ چ مەزاختيە، ئەڤ حەديسە ژێ دگريت، و هەرگاڤا ژنێ ب تنێ خودێ ل بيرا خۆ ئينا و چاڤێت وێ (ژ تراساندا) تژى رۆندك بوون، ئەڤ حەديسە ژێ دگريت، و خودێ چێتر دزانيت.
