ب / ب ڤێ بێژەيێ و ب ڤان پەيڤان، نەخێر، نەحەديسە و نەيا دورستە، و چو حەديس ب ڤێ بێژەيێ نەهاتينە، بەلێ رامانا ڤێ ئاخفتنێ يا دورستە و پاقژي ژ ئيمانێيە و ئيسلام داخوازا پاقژيێ دكەت و حەژ پاقژان و پاقژكەران دكەت، و خودێ مەزن دبێژيت: (إن الله يحب التوابين ويحب المتطهرين) ب راستى خودێ حەژ تۆبەداران دكەت، و هەروەسا حەژ پاقژان ژى دكەت. و پێغەمبەرى (سلاڤێت خودێ لێ بن) دوعا دكر (اللَّهُمَّ اجْعلْني من التَّوَّابِينَ واجْعلْني مِنَ المُتَطهِّرينَ) يا خودێ من ژ زێدە تۆبەداران بدانە و من ژ پاقژكريان بدانە. و د حەديسەكا ديدا دبێژيت: (تخللوا فإنه نظافە والنظافە تدعو إلى الإيمان والإيمان مع صاحبه في الجنة) ئانكو: ددانێت خۆ پاقژكەن ژ تشتێ دچيتە د ناڤرا، ب راستى ئەو پاقژيە و پاقژى باوەريێ دخوازيت و باوەرى دگەل خودانێ خۆ د بەحەشتێدايە. و پێغەمبەر (سلاڤێت خودێ لێ بن) د حەديسەكا ديدا دبێژيت: (الطهور شطر الايمان) پاقژي نيڤا نڤێژێيە و مەرجێ وێيە، و ئەڤ شەنگست و بنگەهێ سەرەكى ژ موسلمانى ناهێتە وەرگرتن هەكە يێ پاقژ نەبيت و ئەو جهێ نڤێژێ ژى لێ دكەت يێ پاقژ نەبيت. ب راستى ب دەهان حەديس و دەق ل سەر پاقژيێ يێت هاتين هەمى دياردكەن كا موسلمانەتى چەند گرنگيێ و خەمێ ددەتە پاقژيێ، و خودێ چێتر دزانيت.
