ب / ئيسلام حەژ كارى دكەت و حەژ وى دكەت يێ كارى دكەت هەكە كار يێ حەلال و دورست و پاقژ بيت، و خودێ مەزن فەرمانا مە دكەت هەردەمێ مە ئەركێ خۆ يێ دينى ب جه ئينا و مە نڤێژا خوتبێ كر.. بەلاڤ ببين و ل رزقێ خۆ بگەرين و كار بكەين، دبێژيت: ((فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ)) و ئەگەر نڤێژ هاتەكرن، رابن و د عەرديدا بەلاڤ ببن و ژ رزقێ خودێ ب كارێ خۆ بخوازن. تەمبەلى و لەشگرانى و بێ خيرەتى و كسلانى جهێ وێ د ئيسلامێدا نينە، و هەتا ب هێجەتا عيبادەتى و خۆ ڤالاكرن بۆ عيبادەتى دا شۆل نەكەت نەيا دورستە، و يێ دچيتە كارى و عيبادەتى دكەت خۆشڤيترە ل دەف خودێ، پێغەمبەر (سلاڤێت خودێ لێ بن) دبێژيت: (ان الله تعالى يحب العبد المؤمن المحترف) ب راستى خودێ حەژ باوەردارێ خودان كار دكەت، و دا موسلمان ژ شۆل و كارى بێزار نەبيت.. خودێ مەزن كارێ ئەو دكەت ب ئنيەتا پاقژ عيبادەت دانايە و د رێكا خۆدا دانايە، كەعبێ كورێ عوجرەى (خودێ ژێ رازی بیت) دبێژيت: (مَرَّ على النبي صلى اللَّهُ عليه وسلم رَجُلٌ فَرَأَى أَصْحَابُ رسول اللَّهِ صلى اللَّهُ عليه وسلم من جِلْدِهِ وَنَشَاطهِ فَقَالُوا يا رَسُولَ اللَّهِ لو كان هذا في سَبِيلِ اللَّهِ فقال رسول اللَّهِ صلى اللَّهُ عليه وسلم إن كان خَرَجَ يسْعَى على وَلَدِهِ صِغَارًا فَهُوَ في سَبِيلِ اللَّهِ وَإِنْ كان خَرَجَ يسْعَى على أَبَوَيْنِ شَيْخَيْنِ كَبِيرَيْنِ فَهُوَ في سَبِيلِ اللَّهِ وَإِنْ كان يسْعَى على نَفْسِهِ يُعِفُّهَا فَهُوَ في سَبِيلِ اللَّهِ وَإِنْ كان خَرَجَ رياءً وَمُفَاخَرَة فَهُوَ في سَبِيلِ الشَّيْطانِ) زەلامەك د بەر پێغەمبەريرا (سلاڤێت خودێ لێ بن) بۆرى هەڤالێت پێغەمبەرى (سلاڤێت خودێ لێ بن) هێزا وى زەڤەريا وى ديت گۆتن: هەكە ئەڤە بۆ رێكا خودێ با، ئينا پێغەمبەرى (سلاڤێت خودێ لێ بن) گۆت: هەكە ئەو دەركەفتيە بەر زارۆكێت خۆ يێت بچويك دگەريێت ئەو يێ د رێكا خودێرا، و هەكە دەركەفتيە بەر دايبابێت خۆ پير دگەريێت ئەو يێ د رێكا خودێرا، و هەكە دەركەفتيە بەر خۆ دگەريێت پاك بكەت حەرامى نەخۆت ئەو يێ د رێكا خودێرا، و هەكە بۆ رويمەتى و خۆ مەزنكرن دەركەفتيە ئەو يێ د رێكا شەيتانيرا. و حەديسێت پێغەمبەرى ل سەر قەر و بهايێ كارى گەلەكن، ژ وان:
بوخارى (خودێ ژێ رازی بیت)، ژ زوبەيرێ كورێ عەوامى (خودێ ژێ رازی بیت)، ڤەدگێريت، دبێژيت: پێغەمبەرى (سلاڤێت خودێ لێ بن) گۆت: (لأَنْ يأْخُذ أَحَدُكُم أَحبُلَهُ ثمَّ ثأْتِي الجَبَلَ، فَيأْتِي بحُزْمَە مِن حَطبٍ عَلى ظهِرهِ فَيبيعَهَا، فَيكُفَّ اللَّه بها وَجْهَهُ، خَيْرٌ لَهُ مِنْ أَن يسأَلَ النَّاسَ، أَعطوْهُ أَوْ مَنَعُوهُ) پێغەمبەرێ خودێ (سلاڤێت خودێ لێ بن) گۆت: هەكە ئێك ژ هەوە وەريسێت خۆ بهەلگريت پاشى بێتە چياى، و پشتيەكێ دارا ل سەر پشتا خۆ بينيت و بفرۆشيت و خودێ رويێ وى پێ (ژ رەزيليا خواستنێ) بپارێزيت، بۆ وى چێترە ئەو ژ خەلكى بخوازيت بدەنێ يان نەدەنێ. و د ڤەگێرەكا ديدا بوخارى و موسلم ژ ئەبو هورەيرەى (خودێ ژێ رازی بیت)، ڤەدگێرن، دبێژيت: پێغەمبەرى (سلاڤێت خودێ لێ بن) گۆت: (لأَنْ يحتَطبَ أَحَدُكُم حُزمَة على ظهره، خَيْرٌ من أَنْ يسأَل أَحَداً، فَيُعُطيه أَو يمنَعَهُ) هەكە ئێك ژ هەوە پشتيەكێ دارا ل سەر پشتا خۆ بينيت، بۆ وى چێترە ئەو ژ ئێكى بخوازيت بدەتێ يان نەدەتێ. و پێغەمبەرى (سلاڤێت خودێ لێ بن) بەرێ مە يێ دايە هندێ ئەم ب دەستێت خۆ بخۆين و خۆ ب هيڤيا كەسێڤە نەهێلين و نەبينە بارێ كەسێ، هەروەكى بوخارى ژ ميقدام ئبن مەعدى يەكرب (خودێ ژێ رازی بیت)، ڤەگێراي، دبێژيت: (مَا أَكَلَ أَحَدٌ طعَاماً خَيْراً مِن أَنَ يأْكُلَ مِن عمَلِ يَدِهِ، وَإِنَّ نَبي اللَّه دَاوُدَ صَلّى اللهُ عَلَيْهِ وسَلَّم كان يأْكلُ مِن عَمَلِ يدِهِ) كەسێ خوارنەك نەخواريە چێتر ژ وێ ئەوا ئەو ژ كارێ دەستێ خۆ بخۆت، و پێغەمبەرێ خودێ داوودى (سلاڤێت خودێ لێ بن) ژ كارێ دەستێ خۆ دخوار. و عومەرێ كورێ خەتابى (خودێ ژێ رازی بیت)، هندە مرۆڤ ديتن رۆژا ئەينى ل مزگەفتێ د روينشتينە، گۆتێ: هوين چ دكەن؟ گۆتن: ئەم ب هيڤيا خودێڤەينە، ئينا قامچيا خۆ بلندكرە سەر سەرێ وان و پاشڤە برن و گۆتێ: كەس ژ هەوە نەروينتە خوارێ و بێژيت: يا خودێ رزقێ من بدە من و ب دورستى ئەو دزانيت عەسمان زێر و زيڤان نابارينيت، و خودێ مەزن دبێژيت: ((فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ)) و ئەگەر نڤێژ هاتەكرن، رابن و د عەرديدا بەلاڤ ببن و ژ رزقێ خودێ ب كارێ خۆ بخوازن.
ڤێجا پێغەمبەرى (سلاڤێت خودێ لێ بن) ئەم ژ خوازخوازۆكيێ داينە پاش و ئەم يێت ژێ ترساندين و بەرێ مە يێ دايە شۆلى، دبێژيتە مە: ((تو ئەو بى يێ بدەى باشترە ئەو بى يێ بخوازى، د ڤەگێرا بوخارى و موسلميدا دبێژيت: (اليَد العلْيا خَيْرٌ مِنَ اليدِ السُّفْلى » وَاليَد العُليا هِي المُنْفِقة، والسُّفْلَى هِي السَّائِلَە) دەستێ بلند و ددەت ژ دەستێ نزم و دخوازيت و وەردگريت چێترە. و دەستێ بلند ئەوە يێ ددەت و يێ نزم ئەوە يێ دخوازيت. و بۆ وى يێ خوازخوازۆكيێ دكەت د ڤەگێرا بوخارى و موسلميدا دبێژيت: (لاَ تَزَالُ المَسأَلَة بِأَحَدِكُمْ حَتى يلْقى اللَّه تعالى ولَيْسَ في وَجْهِهِ مُزْعە لَحْمٍ) ئێك ژ هەوە بەردەوام دێ خوازخوازۆكيێ كەت، هەتا دگەهيتە خودێ و پشكەكا گۆشتى ب سەر و چاڤێت ويڤە نە. و يێ خوازخوازۆكيێ نە ژ هەوجەيى دكەت بلا بزانيت چەند ئەو تشتەكى وەردگريت ئەو يێ پەلەكێ ئاگرى وەردگريت، ل دەف موسلمى هاتيە پێغەمبەر (سلاڤێت خودێ لێ بن) دبێژيت: (مَنْ سَأَلَ النَّاس تَكَثراً فَإِنَّمَا يسْأَلُ جَمْراً، فَلْيسْتَقِلَّ أَوْ لِيسْتَكْثرْ) هەركەسێ بۆ زێدەكرنا مالێ خۆ ژ خەلكى بخوازت، ب راستى ئەو پەلا دخوازيت، ڤێجا بلا خوازۆكيێ كێم كەت يان زێدەكەت. و يێ خوازخوازۆكيێ دكەت بلا بزانيت ئەو كار رۆژا قيامەتێ دێ سەروچاڤێت وى خيچ خيچ كەن دا هەمى بزانن كارێ وى د دنيايێدا چ بوو. (إِنَّ المَسأَلَة كَدُّ يكُدُّ بها الرَّجُلُ وجْهَهُ، إِلاَّ أَنْ يسأَلَ الرَّجُلُ سُلْطاناً أَوْ في أَمْر لابُدَّ مِنْهُ) ب راستى خواستن خيچەكە مرۆڤ سەر و چاڤێت خۆ پێ خيچ خيچ دكەت، ئەو نەبيت ژ حاكمدارەكى و تشتێ ل سەر پێدڤى بخوازيت يان تشتەكى چو رێك بۆ نەبن.
بۆ كێ دورستە مالى بخوازيت: موسلم ژ قەبيسێ كورێ موخاريقى (خودێ ژێ رازی بیت)، ڤەدگێريت دبێژيت: پێغەمبەر (سلاڤێت خودێ لێ بن) گۆت: (ياَ قَبِيصَە إِنَّ المَسأَلَە لا تَحِلُّ إِلاَّ لأَحَدِ ثلاپة: رَجُلٌ تَحَمَّلَ حمالَە، فَحَلَّتْ لَهُ المَسْأَلَە حَتَّى يُصيبَها، ثمَّ يُمْسِكُ. ورجُلٌ أَصابَتْهُ جائِحَە اجْتَاحَتْ مالَهُ، فَحَلَّتْ لهُ المَسأَلَە حَتَّى يُصِيبَ قِوَاماً مِنْ عيْشٍ، أَوْ قال: سِداداً مِنْ عَيْشٍ، ورَجُلٌ أَصابَتْهُ فاقَە، حَتى يقُولَ ثلاثة مِنْ ذوي الحِجَى مِنْ قَوْمِهِ: لَقَدْ أَصَابَتْ فُلاناً فَاقَە، فحلَّتْ لَهُ المسْأَلە حتَّى يُصِيبَ قِواماً مِنْ عَيْشٍ، أَوْ قالَ: سِداداً مِنْ عَيْشٍ. فَمَا سِواهُنَّ مِنَ المَسأَلَە يا قَبِيصَە سُحْتٌ، يأَكُلُها صاحِبُها سُحْتاً) يا قەبيسە ب راستى خواستن، نەيا دورستە بۆ ئێك ژ سێيان نەبيت: مرۆڤەكى مالەك ژبەر پێكئينانێ ب ستۆيێ خۆڤە گرتبيت، خواستن بۆ وى دورستە هەتا هەوجەييا پێدڤى دگەهيتێ، پاشى خواستنێ بەس دكەت، و مرۆڤەكى ئاتافەك ب سەرى هاتبيت مالێ وى هەميێ بگريت، خواستن بۆ وى دورستە هەتا هند دگەهيتێ خۆ بدەتە بەر خۆ (ئانكو خۆ ل سەر پێت خۆ بگريت) يان گۆت: هەوجەييا وى بقەتيێت، و مرۆڤەكى هەژاريەك گەهشتبيتێ هەتا سێ يێت خودان ئەقل و ل سەر وێدا (شادەيێ بۆ ددەن) بێژن: هەژاريەكا گەهشتيە بێڤانى، خواستن بۆ وى دورستە هەتا هند دگەهيتێ خۆ بدەتە بەر خۆ (ئانكو خۆ ل سەر پێت خۆ بگريت) يان گۆت: هەوجەييا وى بقەتيێت، ژبلى ڤان خواستنان يا قەبيسە يا حەرامە، خودانێ وێ حەرامى دخۆت، و خودێ چێتر دزانيت.
