ب / دڤێت ئەم بزانين د ناڤبەرا دورست و دورستر و باش و باشتر ئيسلامەتيێ بەرێ مە يێ دايە دورستر و باشتر ڤەخوارنا ئاڤێ ژ پياڤە مەكروهە، نەحەرامە، هەكە ئەم بشێن روينشتى ڤەخۆين باشترە و هەكە نەشياين و هەوجەيى بخوازيت ژپياڤە ڤەخۆين دورستە، چونكى هەردوو ژ پێغەمبەرى (سلاڤێت خودێ لێ بن) يێت هاتينە زانين، بەلێ باراپتر هەروەكى ئبن قەيم (خودێ ژێ رازی بیت)، د (زاد المعاد)دا دبێژيت: باراپتر هەديا وى روينشتى ئاڤ ڤەدخوار، و هەكە هەوجەيى هەبا ژپياڤە ڤەدخوار، و ئەو حەديسا پسيار ژێ هاتيەكرن ڤەگێرا موسلميە، ئەبو هورەيرە (خودێ ژێ رازی بیت)، دبێژيت: پێغەمبەرى (سلاڤێت خودێ لێ بن) گۆت: (لاَ يشْرَبَن أَحدٌ مِنْكُمْ قَائماً، فَمَنْ نَسِێ فَلْيسْتَقيءْ) كەس ژ هەوە ژپياڤە نەڤەخۆت، و هەكە ژبيركر بلا دلێ خۆ راكەت. بەلێ زانا دبێژن مەخسەد ئەو نينە دەستێ خۆ بكەتە گەريا خۆ و ب خورتى دلێ خۆ راكەت، بەلكى مەخسەد پاشڤەبرنە، ئانكو: هندى تو بشێى روينشتى نە ژپياڤە ڤەخۆ.
و حەديسێت ل سەر دورستيا ئاڤ ڤەخوارنێ ژپياڤە هاتين گەلەكن، ژ وان:
ئبن عەباس خودێ ژ هەردوويان رازى بيت د بوخارى و موسلمێدا دبێژيت: (سَقَيْتُ النَّبِي صَلّى اللهُ عَلَيْهِ وسَلَّم مِنْ زَمْزَمَ، فَشَربَ وَهُوَ قَائمٌ) من ئاڤا زمزمێ دا پێغەمبەرێ خودێ (سلاڤێت خودێ لێ بن) ڤەخوار و ئەو يێ شپياڤە بوو. بوخارى ژ نەزالێ كورێ سەبورەى (خودێ ژێ رازی بیت)، ڤەدگێريت، دبێژيت: (أَتَى عَلِيٌّ رضي اللَّهُ عنهُ باب الرَّحْبَە فَشَرب قَائماً، وقالَ: إِنِّى رَأَيْتُ رَسولَ اللَّهِ صَلّى اللهُ عَلَيْهِ وسَلَّم فعل كما رَأَيْتُمُونى فَعَلْتُ) عەليێ كورێ ئەبى تالبى (خودێ ژێ رازی بیت) د دەرگەهێ رەحبەرا هات (مەخسد پێ دەرگەهێ كوفەيە) و شپياڤە ئاڤ ڤەخوار، و گۆت: ب راستى من پێغەمبەرێ خودێ (سلاڤێت خودێ لێ بن) ديت وەكر هەروەكى هەوە ئەز ديتيم من كرى. و عەمرێ كورێ شوعەيبى ژ باپيرێ خۆ (خودێ ژێ رازی بیت)، ڤەدگێريت دبێژيت: من پێغەمبەرێ خودێ (سلاڤێت خودێ لێ بن) ديت ئاڤ شپياڤە و روينشتى ڤەدخوار. و عەبدوللايێ كورێ عومەرى خودێ ژ هەردوويان رازى بيت دبێژيت: مە ل سەر دەمێ پێغەمبەرێ خودێ (سلاڤێت خودێ لێ بن) دخوار و ئەم رێڤە دچۆين و مە ڤەدخوار و ئەم شپياڤە، و خودێ چێتر دزانيت.
