ب / ئەڤ حەديسە ئەبو يەعلا و تەبەرانى ژ ئەبو هورەيرە (خودێ ژێ رازی بیت)، ڤەگێرايە، دبێژيت: (لو لم يبق من أجلي إلا يوم واحد لقيت الله بزوجە سمعت رسول الله (سلاڤێت خودێ لێ بن) يقول: شراركم عزابكم) و خالدێ كورێ ئسماعيلێ مەخزومى د رێكا وێدايە و يێ مەتروكە، و ديسا هەردوويان ژ عەتييەيێ كورێ بوشرەيێ مازنى (خودێ ژێ رازی بیت)، ڤەگێرايە، دبێژيت: پێغەمبەرى (سلاڤێت خودێ لێ بن) گۆت: (إن من سنتنا النكاح شراركم عزابكم وشرار أمواتكم عزابكم) و موعاويەيێ سەدەفى د رێكا وێدايە و يێ لاوازە، و ئيمام ئەحمەد ژ ئەبى زەر (خودێ ژێ رازی بیت)، ڤەگێرايە، سەخاوى و ئبن حەجەر دبێژن: نەيا ڤالايە ژ لاوازيێ، و ئبن جوزى ژ حەديسێت مەوزوع و درەو دانايە، بەلێ سيوتى دبێژيت: ئەڤە نەيا دورستە، نەيا درەوە بەلكى يا لاوازە، بەلێ فەرە ئەم بزانين فقهزان دبێژن: فەرمان و حوكمێ شويكرن و ژنئينانێ ل سەر پێنج حوكمان دزڤريت ل دويف كراس و رەوشا مرۆڤى، هەكە بزانيت هەكە ژنێ نەئينيت و شوينەكەت پشت راست دێ كەڤيتە د خەلەتيێدا و شيانێت هەڤژينيێ يێت هەين و پشت راستە ژى ستەمێ و زولمێ ل ژنێ يان ل مێرى ناكەت، هنگى واجبە ئەو شويكەت يان ژنێ بينيت، و هەكە بزانيت پشت راست دێ تەخسيريێ كەت و ب مافان نارابيت چونكى حەز ل سەر نڤينێ نينە ژبەر نەچارەييا ل دەف، د ڤى بواريدا و دشێت نەكەڤيتە د حەراميدا، هنگى ل سەر وى حەرامە ژنێ بينيت يان شوى بكەت، و هەكە بترسيت ستەم و زولمێ بكەت و حەزكرنا نڤينێ ل دەف نەبيت و يا سار بيت و ژ خۆ يێ پشت راست بيت ناكەڤيتە د حەراميێدا، هنگى مەكروهە ژنێ بينيت يان شوى بكەت، و هەكە حەزكرنا نڤينێ ل دەف هەيە و ژ خۆ بزانيت دێ دەرهەقى مافان دەركەڤيت و دەرحەقێ بەرپرساتيا شويكرنێ و ژنئينانێ دەركەڤيت، هنگى موستەحەبە و باشە ژنێ بينيت و شويكەت، و هەكە حەزكرنا نڤينێ نەبيت و شيان هەبن و نە ژن ئينان و نە شويكرن وى ژ چو واجب و موستەحەببا مژويل ناكەت و نادەتە پاش موباحە، بەلێ جمهورێ زانانان ژ حەنەفيان و حەنبەليان و مالكيان ب گشتى دگەل هندێنە شويكرن و ژن ئينان موستەحەبە و رێكا پێغەمبەريە (سلاڤێت خودێ لێ بن) و يێ چو هێجەتێت شەرعى نەبن و شوينەكەت و ژنێ نەئينيت يێ زربارە ژ خێرێ، و پتر ژ بەلگەيەكى ل سەر ڤآ بۆچۆنێ يێت هەين:
ئێك: خودێ مەزن بەرێ زەلام و ژنان ددەتە هندێ ژنێ بينن و شويكەن، دبێژيت: (وَأَنْكِحُوا الأَيامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يكُونُواْ فُقَرَآءَ يُغْنِهِمُ اللَّهُ مِن فَضلِهِ) و هوين، گەلى خودان باوەران بۆ ئەوێت ژن نەئيناى، ژنان بينن، و يێت نەشويكرى بدەنە شوى، ديسا كۆلەيێت خۆ ژى يێت خودان باوەر، ژنان بۆ بينن، و بدەنە شوى و بلا خۆ نەڤەگرن ژ ژنئينانێ يان ژ شويكرنێ، ژبەر دەست تەنگى و خێزانيێ، و ئەگەر ئەو د فەقير ژى بن، خودێ ژ كەرەما خۆ دێ وان زەنگين كەت زەنگينيا دلى، يان يا مالى، يان هەردووكان پێكڤە، و خودێ يێ زانايە، و كەرەما وى يا بەرفرەهە.
دوو: بوخاري و موسلم ژ ئەنەسى (خودێ ژێ رازی بیت) ڤەدگێرن دبێژيت: (جاءَ ثلاثة رهْط إِلَى بُيُوتِ أَزْواجِ النَّبِيِّ صَلّى اللهُ عَلَيْهِ وسَلَّم يسالؤن عنْ عِبَادَە النَّبِيِّ صَلّى اللهُ عَلَيْهِ وسَلَّم، فَلَمَّا أُخبِروا كأَنَّهُمْ تَقَالَّوْها وقالُوا: أَين نَحْنُ مِنْ النَّبِيِّ صَلّى اللهُ عَلَيْهِ وسَلَّم قَدْ غُفِر لَهُ ما تَقَدَّم مِنْ ذنْبِهِ وما تَأَخَّرَ. قالَ أَحَدُهُمْ: أَمَّا أَنَا فأُصلِّي الليل أَبداً، وقال الآخَرُ: وَأَنا أَصُومُ الدَّهْرَ أبداً ولا أُفْطرُ، وقالَ الآخرُ: وأَنا اعْتَزِلُ النِّساءَ فلا أَتَزوَّجُ أَبداً، فَجاءَ رسول اللَّه صَلّى اللهُ عَلَيْهِ وسَلَّم إلَيْهمْ فقال: « أَنْتُمُ الَّذينَ قُلْتُمْ كذا وكذا ؟، أَما واللَّهِ إِنِّي لأَخْشَاكُمْ للَّهِ وَأَتْقَاكُم له لكِني أَصُومُ وَأُفْطرُ، وَأُصلِّي وَأَرْقُد، وَأَتَزَوّجُ النِّسَاءَ، فمنْ رغِب عن سُنَّتِي فَلَيسَ مِنِّي) سێ زەلام هاتنە مالێت كابانيێت پێغەمبەرى (سلاڤێت خودێ لێ بن) پسيارا پەرستن و عيبادەتێ پێغەمبەرى (سلاڤێت خودێ لێ بن) كرن، ڤێجا وەختێ بۆ هاتيە گۆتن، هەروەكى وان كێم دانا، ئينا گۆتن: ئەم ل كيرێ و پێغەمبەر (سلاڤێت خودێ لێ بن) ل كيرێ، گونەهێت وى پێش و پاش يێت هاتينە ژێبرن. ئێك ژ وان گۆت: هنديكە ئەزم ئەز دێ شەڤان هەر و هەر ساخ كەم و نڤێژان كەم. و يێ دى گۆت: ئەز هەر و هەر دێ يێ ب رۆژى بم و رۆژيان ناخۆم. و يێ دى گۆت: ئەز دێ خۆ ژ ژنان دەمە پاش و د بنيرا ژنێ نائينم. پێغەمبەرێ خودێ (سلاڤێت خودێ لێ بن) هات گۆت: هوينن ئەوێت هەوە ئەڤە و ئەڤە گۆتين؟ ئەز ب خودێ كەمە ئەز ژ هەوە خودێ ترستر و پارێزكارترم، بەلێ ئەز رۆژيێ دگرم و دخۆم، و ب شەڤ نڤێژێ دكەم و دنڤم، و ژنان دئينم، و هەركەسێ رێكا من بهێليت نە ژ منە.
سێ: پێغەمبەرى (سلاڤێت خودێ لێ بن) بەرێ گەنجان يێت شيان ب رەنگەكێ گشتى هەبن ژنێ بين يان شويكەن. د ڤەگێرا بوخارى و موسلميدا دبێژيت: (من اسْتَطاعَ الْبَاءَە فَلْيتَزَوَّجْ فإنه أَغَض لِلْبَصَر وَأَحْصَنُ لِلْفَرْجِ وَمَنْ لم يسْتَطعْ فَعَلَيْهِ بِالصَّوْمِ فإنه له وِجَاءٌ) يێ شيان هەبن كچ بيت كور بيت بلا هەڤژينيێ بكەت، ب راستى ئەڤە باشتر چاڤى دگريت و نامويسێ پاك رادگريت و يێ نەشێت بلا رۆژيان بگريت ب راستى رۆژى بۆ پاشڤەبرە.
بەلێ دگەل ئەڤا بۆرى هەكە كاودان و كراسێ مرۆڤ تێدا بۆ دەست نەدا ژنێ بينيت و شويكەت نە يێ گونەهكارە، چونكى ژ زانايێت مەزن هاتيە زانين كاودانێت وان رێك نەدايە وان، ژنێ بينن، ژن نەئيناينە و سەنگا وان د ناف زاناياندا گەلەكا ئاشكرايە، وەكى: زانايێ ناڤدار ئبن تەيميە و نەوەوى و سەعيد نورسى، و خودێ چێتر دزانيت.
