ب / حەديسا ئێكێ ئيمام موسلمى ژ جابرى (خودێ ژێ رازی بیت) ڤەگێرايە و حەديسەكا دورستە، رامانا وێ ئەڤەيە: ب راستى مابەينا مرۆڤى و مابەينا هەڤپشكچێكرنێ و گاوريێ نەكرنا نڤێژێيە. و حەديسا دووێ ترمزى ژ بورەيدە ڤەگێرايە و حەديسكا حەسەن و دورستە هەروەكى ئەو دبێژيت، رامانا وێ ئەڤەيە: پەيمانا د ناڤبەرا مە و واندا (مەخسەد پێ دووروينە) نڤێژە، ڤێجا هەركەسێ هێلا ب راستى ئەو گاور بوو. بەلێ يا نەدورست ئەوە ئێك مرۆڤەكى ژبەر نەنڤێژكرنێ ب گاورى ناڤكەت، چونكى جهێ ئختيلافێيە د ناڤبەرا زاناياندا كا يێ نڤێژان ژ خەمسارى نەكەت كافرە يان نە ل سەر سێ بۆچۆنان، خۆ هەكە وى باوەرى ژى ب نڤێژێ نەبيت و ژ نەباوەرى نەكەت راستە كافرە، بەلێ نابيت تو گازيكەيێ كافر، يان فاسق، ئەڤ رەنگێ دگەل ئاخفتنێ د ئيسلامێدا نەهاتيە، و ژ كەسێ ژ سەلەفێت سالح نەهاتيە زانين سەردەمێ پێغەمبەرى (سلاڤێت خودێ لێ بن) و چەرخێت شەهدەيێ ب باشيێ بۆ هاتيە دان گۆتبيتە ئێكى كافر: ها كافر تو چ دكەى؟ و دڤێت ئەم ب ئيسلاما خۆ و ئاوايێ ئاخفتنا وێ د پێگربين، و خودێ چێتر دزانيت.
