ب / ئەڤ دەقە نە حەديسە و نە ئاخفتنا سەحبيانە و نەيا تابعيانە ژى، بەلكى ژ هندە زانايێت تەسەووفێ يا هاتيە ڤەگوهاستن و دبيت مەخسەدا وان ئەو بيت دڤێت خەلك بەرێ خۆ بدەتە وان و رێكا وان بگريت و تۆبێ ل سەر دەستێ وان بكەت، و هەكە مەخسەد ژ ئاخفتنێ ئەڤە بيت خەلەتە و نەيا دورستە، و هەكە مەخسەد پێ ئەو بيت مرۆڤ زانايێ جهێ خۆ و زەمانێ خۆ بۆ خۆ بكەتە پێشەوا و پسيارێت خۆ يێت دينى ژێ بكەت و دەرسێت وى ئامادە بيت ئەڤە تشتەكێ جوانە، چونكى مرۆڤ چەندێ زانا بيت هەوجەى ئێكێ ژ خۆ زاناترە و هەكە چەندێ زانابيت هەوچەى نەرمكرنا دليە، و خودێ چێتر دزانيت.
