ب : ناڤێت خودێ یێت پیروزن و دڤێت موسلمان گرنگیدانێ ب ده‌ته ناڤێت خودێ؛ دا دورستی خودایێ خۆ بنیاسیت، و ل سه‌ر وی بنیاتی گوهداری و عه‌بدینیا وی بكه‌ت، و راسته خودایێ مه‌زن نوت و نه‌ھ ناڤ یێت هه‌ین هه‌روه‌كی د ڤه‌گێرا بوخاری و موسلمیدا ژ ئه‌بو هوره‌یره خودێ ژێ رازی بیت هاتی دبێژیت پێغه‌مبه‌ری سلاڤێت خودێ ل سه‌ربن دبێژیت:(إِنَّ لِلَّهِ تِسْعَةً وَتِسْعِينَ اسْمًا مِائَةً إِلاّ وَاحِدًا مَنْ أَحْصَاهَا دَخَلَ الْجَنَّةَ) ب راستی خودێ نوت و نه‌ھ ناڤ سه‌د ئێك كیم یێت هه‌ین هه‌ركه‌سێ ژ به‌ركرن ئه‌و چو به‌حه‌شتێ، به‌لێ فه‌ره ئه‌م بزانین كا مه‌خسه‌د ژ به‌ركرنێ (َأحْصَاهَا) چیه به‌س ئه‌وه تو ناڤان وه‌كی ناڤ و بێژه ژ به‌ر كه‌ی و دویف ئێك بێژی و رێزكه‌ی یان مه‌خسه‌ده‌كا دی یا داخوازكریه، زانایێت مه دبێژن (َأحْصَاهَا) ل ڤێرێ سێ تشت پێ دخوازكرینه ئێك: بێژه‌یا وان ژ به‌ركه‌ت، دوو: رامانا وان دورستی تێ بگه‌هیت، سێ: كاری ل دویف خوازتیێت وان بكه‌ت كا هه‌ر ناڤه‌كه‌ك چ ژێ دخوازیت، بۆ نمونه یێ بزانیت ناڤه‌كێ خودێ (ره‌حیمه) دلوڤانه دڤێت وان رێكان بگریت یێت دلوڤانیا وی ب ده‌ستڤه دهێت، و یێت دزانیت ره‌زاقه دڤێت رزقی ژ وی بخوازیت و ژ رزقێ خۆ نه ترسیت و یێ بزانیت سه‌میعه دڤێت ئاخفتنێت خه‌له‌ت و نه‌دورست نه‌كه‌ت و یێ بزانیت به‌صیره دڤێت جهێ نه‌دورست و خودێ پێ نه‌خوش نه‌هێته دیتن و هوسا، و دیسا دڤێت دوعایان ب وان ناڤان بكه‌ت له‌وا خودایێ مه‌زن دبێژیت: (وَلِلَّهِ الأسْمَاءُ الْحُسْنَى فَادْعُوهُ بِهَا) خودێ ناڤێت باش یێت هه‌ین دوعایان پێ بكه‌ن وه‌كی بێژی یا گونه‌هژێبه‌ر گونه‌هێت من ژێببه و یا دلوڤان دلوڤانیێ ب من ببه و یا توبه‌وه‌رگر توبا من وه‌رگره هوسا دهێته زانین مه‌به‌سه‌ت ژ حه‌دیسێ نه ژ به‌ركرنا ره‌په رویته و به‌س و خودێ چێتر دزانیت.
