ب : بوچونا دورست ژ گوتنێت زانایان كه‌س ژ گڤاشتنا گوری رزگار نابیت و ژ هه‌میان دگریت، ژ به‌ر گۆتنا پێغه‌مبه‌ری سلاڤێت خودێ ل سه‌ربن د راستا سه‌عدێ كورێ مه‌عازیدا خودێ ژێ رازی بیت گۆتی ده‌مێ چویه به‌ر دلوڤانیا خودێ و هاتیه ڤه‌شارتن، گۆت: (إِنَّ لِلْقَبْرِ ضَغْطَةً وَلَوْ كَانَ أَحَدٌ نَاجِيًا مِنْهَا نَجَا مِنْهَا سَعْدُ بْنُ مُعَاذٍ ) گۆری گڤشتنه‌كا هه‌ی هه‌كه ئێك ژێ رزگارببا دا سه‌عد ژێ رزگاربیت ئیمام ئه‌حمه‌د د موسنه‌دا خۆدا ڤه‌گێرایه و دیسا دبێژیت: (هَذَا الَّذِي تَحَرَّكَ لَهُ الْعَرْشُ وَفُتِحَتْ لَهُ أَبْوَابُ السَّمَاءِ وَشَهِدَهُ سَبْعُونَ أَلْفًا مِنْ الْمَلَائِكَةِ لَقَدْ ضُمَّ ضَمَّةً ثُمَّ فُرِّجَ عَنْهُ ) ئه‌ڤێ عه‌رشێ خودێ بۆ لڤی و ده‌رگه‌هێت عه‌سمانی بۆ ڤه‌بووین و حه‌فتێ هزار ملیاكه‌ت بۆ ئاما ده‌بووین گڤاشتنه‌كێ هاته گڤاشتن پاشی هاته به‌ردان، هه‌لبه‌ت نه‌سائێ ڤه‌گێرایه، به‌لێ گڤاشتن ژ گڤاشتنێ جودایه و هه‌می وه‌كی ئێك نینه موسلمانێ دیندار و باوه‌وریدار وه‌كی سه‌عدی كورێ مه‌عازی خودێ ژێ رازی بیت و بچویكێ نه‌بالغ، گڤاشتنه‌كا ب دلوڤانی و سفك و ب ره‌حمه‌ت و یا خه‌ریبیێ و نه‌یا ئیزادانێ دێ هێنه گڤاشتن، و گڤاشتنا وان نه وه‌كی یا نه‌موسلمانی و گونه‌هكاریه و دژواریا وێ گڤاشتنێ دویف گونه‌ھ و خێرێت مروڤییه یێ موسلمان وئیملاندار گڤشتنه‌كا سفكه و بێ ئه‌زیه‌ته كا چاوه دایك ده‌مێ ژ خه‌ریبیا خوشتڤیێ خۆ دكێشیته به‌ر سینگێ خۆ و ب هێز دگڤشیت گڤاشتنه‌كا بێ ئه‌زیه‌ت ئها گڤاشتنا گۆری بۆ زاروكی و ئیمانداران ژی ب ڤێ ره‌نگییه و خودێ چێتر دزانیت.
