ب : دڤێت ب زانین ئه‌م ب دورستی نابینه موسلمان هه‌تا باوه‌ریه‌كا راست و دورست و موكم مه ب پێغه‌مبه‌رێ خوشتڤی سلاڤێت خودێ ل سه‌ربن نه‌بیت، و هه‌ركه‌سێ تو پسیار ژێ بكه‌ی دێ بێژیت من باوه‌ریا ب پێغه‌مبه‌ری هه‌ی سلاڤێت خودێ ل سه‌ربن به‌لێ فه‌ره ئه‌م بزانین باوه‌ریا راست و دورست ئه‌ڤه‌یه ئه‌ز پێگریێ ب شه‌ریعه‌تی بكه‌م هیر و گران و نه یا من بڤێت وه‌رگرم و یامن نه‌ڤێت نه وه‌رگرم و بده‌مه ره‌خه‌كێ، و هه‌ر ئارمانجا سه‌ره‌كی ژ هاتنا پێغه‌مبه‌ر سلاڤێت خودێ ل سه‌ربن ئه‌ڤه‌یه، ئه‌ڤجا باوه‌ریا راست دورست ب پێغه‌مبه‌رێ خوشتڤی سلاڤێت خودێ ل سه‌ربن ئه‌وه ھه‌که فه‌رمانا خودێ و پێغه‌مبه‌رێ وی ھات دڤیت ئه‌م مافی نه‌دینه خۆ بگرین یان نه، خودێ مه‌زن دبێژیت: (وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً) بۆ چو زه‌لامێت خودان باوه‌ر و بۆ چو ژنێت خودان باوه‌ر دورست نینه، ئه‌گه‌ر خودێ و پێغه‌مبه‌رێ خۆ فه‌رمانه‌ک دان، ئه‌و ب که‌یفا خۆ بن ب جهـ بینن یان نه‌ئینن، و ھه‌رکه‌سێ بێ ئه‌مریا خودێ و پێغه‌مبه‌رێ وی بکه‌ت ب راستی ئه‌و گومڕا بوو، گومڕابوونه‌کا ئاشکه‌را، ژ ئایه‌تا بوری دیاردبیت، باوه‌ریا راست و دورست ئه‌وه خودان باوه‌ر چ ژن چ مێر ده‌ستبه‌ردانا هه‌لبژارتنا خۆ بكه‌ت و هه‌لبژارتنا خۆ و حه‌زا خۆ به‌رامبه‌ر فه‌رمانا خودێ و پیغه‌مبه‌رێ وی بهێلیت، و پشتی ئه‌مر و فه‌رمانا خودێ زانی نابیت ئه‌و هزرا خۆ بكه‌ت كا بكه‌ت یان نه، و نابیت ئه‌و مافێ هه‌لبژاتنێ به‌رامبه‌ر فه‌رمانا خودێ و پێغه‌مبه‌رێ وی سلاڤێت خودێ ل سه‌ربن ب ده‌ته خۆ، و هه‌كه وی ماف نه‌بیت ئه‌و هزرا خۆ بكه‌ت كا بكه‌ت یان نه، پا چاوا دورسته ئه‌و مافێ هه‌لبژارتنێ ب ده‌ته خۆ؟! و حه‌زا خۆ و دلخوازیا خۆ به‌رامبه‌ر فه‌رمانا خودێ و پیغه‌مبه‌رێ وی بدانیت و ب سه‌ر فه‌رمانا وان بێخیت؟!.
و باوه‌ریا دورست ئه‌وه ئه‌م قورئان و حه‌دیسێ ژێكڤه‌كه‌ن، ژێك جودانه‌كه‌ین و حه‌دیسێ ژ ژێده‌ر‌یا شه‌ریعه‌تی نه‌ده‌ربێخن و دویربێخن، و خودایێ مه‌زن د گه‌له‌ك ئایه‌تاندا دیاركریه یێ موحه‌ممه‌دی، پێغه‌مبه‌ر بدانیت و بنیاست و باوه‌ری پێ هه‌بیت، دڤێت باوه‌ری ب گۆتنێت وی هه‌بت، و وه‌رگریت، و كار پێ بكه‌ت، و نه‌زڤرینیت، چ د ژیانا ویدا، چ پشتی وه‌غه‌ركرنا وی. وه‌كی گۆتنا خودایێ مه‌زن: (فَلاَ وَرَبِّكَ لاَ يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لاَ یجِدُواْ فِى أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً) ئانكو: ب خودايێ ته سويند دخۆم ئه‌و نابنه خودان باوه‌ر [باوه‌رييێ نائينن] هه‌تا هه‌ر تشته‌كێ ئه‌و هه‌ڤڕكييێ ل سه‌ر دكه‌ن، ته نه‌كه‌نه حه‌كه‌م ل سه‌ر، پاشى به‌رانبه‌ر بڕيارا ته چو دلته‌نگييێ د دلێ خۆدا نه‌بينن، پاشى ب دورستى خۆ هلپه‌سێرنه ته [ئانكو ب دورستى گوهدارييا ته بكه‌ن و فه‌رمان و بڕيارێت ته ب جھـ بينن].
دیسا دبێژیت: (وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلالاً مُّبِيناً) ئانكو: بۆ چو زه‌لامێت خودان باوه‌ر و بۆ چو ژنێت خودان باوه‌ر دورست نينه، ئه‌گه‌ر خودێ و پێغه‌مبه‌رێ خۆ فه‌رمانه‌ك دان، ئه‌و ب كه‌يفا خۆ بن ب جهـ بينن يان نه‌ئينن، و هه‌ركه‌سێ بێ ئه‌مرييا خودێ و پێغه‌مبه‌رێ وى بكه‌ت ب ڕاستى ئه‌و گومڕا بوو، گومڕابوونه‌كا ئاشكه‌را.
پشتبه‌ستن ب ڤان ئایه‌تان و یێت وه‌كی وان موسلمانان و باوه‌ریداران هه‌میان باوه‌ری ب دورستاهی ئینا، و خۆ راده‌ستی فه‌رمانا خودایێ خۆ كرن، و كه‌فتنه بن فه‌رمانا وی، و ژێ ده‌رنه‌كه‌فتن و زانین موسلمانی و باوه‌ریا دورست ئه‌وه ژێر فه‌رمانا وه‌حیێ بن، ب هه‌ردو ره‌نگێت خۆڤه، وه‌حیا قورئانێ، ئه‌وا رامان و بێژه ژ خودێ، و وه‌حیا حه‌دیسێ، ئه‌وا رامان ژ خودێ و ده‌ربرین ژ پێغه‌مبه‌ری (سلاڤێت خودێ ل سه‌ر بن).
