ب / هەلبەت ئەڤ هزرێت خەلەت و كرێت ژ شەيتانينە، و ژ وەسواسا وينە، و خودێ مەزن دبێژيت: ((وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ)) هەر وەختەكێ وەسواسەك ژ شەيتانى بگەهيتە تە، خۆ ب خودێ بپارێزە، ئانكو بێژە: أَعُوذ بِاللَّهِ مِنَ الشَّيْطانِ الرَّجِيمِ. ئانكو: يا خودێ ئەز خۆ ب تە دپارێزم ژ شەيتانێ، تە ژ دلۆڤانيا خۆ دوير ئێخستى، ڤێجا چارە ئەڤەيە ئەم هەوارا خۆ بگەهينينە خودێ مەزن مە ژ وەسواس و ئاواز و بانگ و ئاريانا وى بپارێزيت، و بلا مرۆڤ بزانيت هندى مرۆڤ ڤان هزران نەكەتە كريار و نەئينيتە سەر ئەزمانێ خۆ و پێ نەئاخڤێت مرۆڤ يێ د خێرێدا، و د مەترسيێدا نينە، و چو ترس ل سەر ئيمانا مرۆڤى نينە، و مرۆڤ گاور نابيت ب ئانەهيا خودێ، هەڤالێت پێغەمبەرێ خۆشتڤى (سلاڤێت خودێ لێ بن) هاتنە دەف گۆتن هەروكى موسلم ژ ئەبى هورەيرە (خودێ ژێ رازی بیت)، ڤەدگێريت: (جاء نَاسٌ من أَصْحَابِ النبي (سلاڤێت خودێ لێ بن) فَسَأَلُوهُ إِنَّا نَجِدُ في أَنْفُسِنَا ما يتَعَاڤمُ أَحَدُنَا أَنْ يتَكَلَّمَ بِهِ قال وقد وَجَدْتُمُوهُ قالوا نعم قال ذاكَ صَريحُ الايمَانِ) ئەى پێغەمبەرێ خودێ.. هندە هزر بۆ مە چێ دبن ئەم شەرم دكەين و دترسين بينينە سەر ئەزمانێ خۆ، ئينا پێغەمبەرێ خۆشتڤى (سلاڤێت خودێ لێ بن) گۆتە وان: ((هەوە ئەڤە ژى ديتيە، ب راستى ئەڤە ژ دورستە باوەريێيە))، چونكى وان پێ نەخۆشە، و ئەڤە نيشانا باوەريێيە، و هەكە باوەرى نەبا ب خەم نەدكەفتن و دلێ وان نەدئێشا و ئەو هزر مەزن نەدديتن، ڤێجا ئەز دبێژمە ڤى براى: هندى تو ڤان هزرا نەئينى سەر ئەزمانێ خۆ و نەكەيە كار نەترسە تو يێ ل سەر خێرێ و چو ترس ل سەر ئيمان و باوەريا تە نينە، و ئەو دلئێشيا تە نيشانا باوەريا تەيە و هەڤركيەكا د ناڤبەرا تە و شەيتانيدا يا هەى هندى تو وى پاشڤە ببەى و نەهێلى وان هزران بكێشيتە سەر ئەزمانێ تە تو يێ سەركەفتى و تو خودان باوەرى و ب ئانەهيا خودێ دێ باوەريا تە.. تە پارێزيت و تە سەر ئێخيت، و خودێ چێتر دزانيت.
