ب / پێغەمبەرێ خۆشتڤى (سلاڤێت خودێ لێ بن) يا گۆتى موحەممەد لمەهدى دێ هێت، و مە باوەرى يا هەي هەر دێ هێت، و گەلەك حەديس ل سەر موحەممەد لمەهدى يێت هاتين، و پێغەمبەرێ خۆشتڤى (سلاڤێت خودێ لێ بن) رەوشت و سالۆخەتێت وى بۆ مە يێت دياركرين، و حەديسێت ل سەر موحەممەد لمەهدى بيست و شەش سەحابان يێت ڤەگوهاستين و د سيه و شەش كتێبێت حەديسێدا يێت هاتين، ژ وان: د هەر چار سونەناندا (ترمزى و ئبن ماجە و نەسائى و ئەبو داوود) سيوتى (خودێ ژێ رازی بیت) دبێژيت: ئەو حەديسێت ل سەر هاتنا موحەممەد لمەهدى هاتين دگەهنە پلا تەواترێ ئانكو دەرجا بێ گۆمانيێ د دورستيا خۆدا. ديسا ئبن باز ژى (خودێ ژێ رازی بیت) ڤێ دبێژيت: خودانێت هەرچار سونەنان و تەبەرانى و حاكم و ئبن حەببان هەمى دبێژن پێغەمبەرێ خۆشتڤى (سلاڤێت خودێ لێ بن) يا گۆتى: (لو لم يبْقَ من الدُّنْيا إلا يوْمٌ لَطوَّلَ الله ذلك الْيوْمَ ثمَّ اتَّفَقُوا حتى يبْعَث فيه رَجُلًا مِنِّي أو من أَهْلِ بَيْتِي يواطىء اسْمُهُ اسْمِي وَاسْمُ أبيه اسْمُ أبي زَادَ يمْلَأُ الْأَرْض قِسْطا وَعَدْلًا كما مُلِئَتْ ڤلْمًا وَجَوْرًا). ديسا پێغەمبەرێ خۆشتڤى (سلاڤێت خودێ لێ بن) ديار دكەت ئەڤ موحەممەد لمەهديە دێ ژ قنێتا حەسەنێ كورێ عەلى بيت (خودێ ژێ رازی بیت)، پێغەمبەرێ خۆشتڤى (سلاڤێت خودێ لێ بن) دەستێ خۆ دانا سەر ملێ حەسەنى و گۆت: (ان ابني هذا سيد و سيبعث الله من نسله) ب ڤێ چەندێ ديار دبيت:
ئێك: موحەممەد لمەهدى هەر دێ ئێت.
دوو: و ژ قنێتا حەسەنيە (خودێ ژێ رازی بیت) نەيا حوسەينى (خودێ ژێ رازی بیت) وەكى شيعە دبێژن.
سێ: كەنگى دێ هێت نەيا ديارە و كەس نوزانيت.
چار: ل كيرێ دێ هێت نەيا ديارە و كەس نوزانيت.
پێنج: ئەو مەهديێ ئەم سونە و جەماعەت دبێژين نەئەوە يێ شيعە دبێژن، و خودێ چێتر دزانيت.
