ب / ب راستى هەكە ئەم بەرێ خۆ بدەينە سەرێ ئايەتێ و دويماهيا ئايەتێ، دێ بۆ مە باش ئاشكرابيت ئەڤ ئايەتە ڤێ تێگەهشتنێ ناگەهينيت يا ئەو بۆ چۆى، بەلكى ئايەت دبێژيتە مە: گەلى موسلمانان بێژنە جوهى و فەلەيان: ئەم نەبەس باوەريێ ب پێغەمبەرێ خۆ ب تنێ دئينين وەكى هەوە، بەلێ ئەم باوەريێ ب هەمى پێغەنبەرێت خودێ دئينين ژ ئادەم بگرە هەتا دگەهيە ئيبراهيم و مووسا و عيسا و موحەممەد پێغەمبەرى سلاڤێت خودێ ل سەر وان هەميان بن، و بێ فەرق و جوداهي باوەريێ ب هەميان دئينين، نەوەكى هەوە هوين باوەريێ ب پێغەمبەرێ خۆ دئينن و باوەريێ ب يێت دى نائينن، خودێ مەزن دبێژيتە مە، بێژن: ((قُولُوا آمَنَّا بِاللَّهِ وَمَا أُنْزِلَ إِلَيْنَا وَمَا أُنْزِلَ إِلَى إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَمَا أُوتِيَ مُوسَى وَعِيسَى وَمَا أُوتِيَ النَّبِيُّونَ مِنْ رَبِّهِمْ لَا نُفَرِّقُ بَيْنَ أَحَدٍ مِنْهُمْ وَنَحْنُ لَهُ مُسْلِمُونَ)) بێژن: مە باوەرى ب خودێ هەيە، و ب وێ يا بۆ مە ئينايە خوارێ كو قورئانە و ب يا بۆ ئيبراهيم و ئيسماعيل و ئيسحاق و يەعقووب و كورێت وى، و ب ئەوا بۆ مووساى و عيساى هاتى، و ب يا بۆ پێغەمبەرێت ديتر ژى ژ نك خودێ هاتى، و ئەم فەرقێ و جوداييێ نائێخينە كەس ژ وان و ئەم ل بەر فەرمانا وينە. و ئەڤ ئايەتە هندێ ناگەهينيت كو هەمى ل دەف خودێ ئێك قەدرن، راستە هەميان جهێ خۆ يێ هەژى يێ هەى بەلێ چو شك تێدا نينە پێغەمبەرێ مە يێ خۆشتڤى (سلاڤێت خودێ لێ بن) سەردارآ هەمى پێغەمبەرانە و ژ هەميان ب قەدرترە، و بۆ ڤآ چەندآ خودايآ مەزن دبێژيت ((تِلْكَ الرُّسُلُ فَضَّلْنَا بَعْضَهُمْ عَلَى بَعْضٍ مِنْهُمْ مَنْ كَلَّمَ اللَّهُ وَرَفَعَ بَعْضَهُمْ دَرَجَاتٍ وَآتَيْنَا عِيسَى ابْنَ مَرْيَمَ الْبَيِّنَاتِ وَأَيَّدْنَاهُ بِرُوحِ الْقُدُسِ)) ئەو پێغەمبەرێت مە بەحسێ وان د ڤێ سۆرەتێدا كرى، مە هندەك ژ وان ب سەر هندەكان ئێخستين، هندەك ژ وان وەكى مووسايى خودێ ئاخافتىيە و خودێ هندەك ژ وان پێكا وان بلند كرىيە كرىيە سەروەرێ هەمى پێغەمبەران كو پێغەمبەرێ مەيە (سلاڤێت خودێ ل سەر بن). و مە موعجيزە و نيشانێت ئاشكەرا دانە عيسايێ كورێ مەريەمێ و مە پشتا وى ب جانێ پيرۆز جبرائيلي قاهيم كرو خودێ چێتر دزانيت.
