ب / نەخێر، چو راستى بۆ ڤێ چەندێ نينە، و هەركەسێ خودێ كەرەم دگەل كر و برە بەحەشتێ، خودێ مەزن دێ ڤێ كەرەمێ دگەل كەت و دێ ب ديتنا خودێ خۆ شاد بيت چ ژن چ مێر، و ديتنا خودێ ژ هەمى نيعمەت و كەرەمان مەزنترە، خودێ مەزن دگەل بەندەيێت خۆ دكەت، پشتى خەلكێ بەحەشتێ دچنە بەحەشتێ خودێ مەزن دێ بێژتە وان بۆ خۆ بخوازن هەوە چ دڤێت بدەمە هەوە؟ دێ بێژن: ئەى خودێ.. تە رويێت مە سپى و گەشكرن ـ هندى ئەم دئينينە بيرا خۆ ئەم چو تشتان نابينين مابن تە نەدابنەمە دا ژ تە بخوازين ـ خودێ دێ بێژتە وان: تشتەكێ ماى و ئەز دێ دەمە هەوە، ئەو ژى ديتنا منە و دێ خۆ نيشا وان دەت، و ب ديتنا خودێ هەروەكى پێغەمبەر (سلاڤێت خودێ لێ بن) دبێژيت: هەمى خۆشى و نيعمەتێت بەحەشتێ دێ ژ بيرا وان چن و بەس دێ ميننە ب ديتنا خودێڤە. بەس چاوا دێ بينن و چاوا نابينن خودێ ل وێرێ دێ وەل چاڤێت مە كەت ئەم بشێين خودێ ببينين، و ل سەر ڤێ چەندێ ژى مە بەلگە ژ قورئانێ و حەديسێ يێت هەين، خودێ مەزن دبێژيت: ﭽ ﭙ ﭚ ﭛ ﭜ ﭝ ﭞ ﭟ ﭠ ﭼ هندەك سەروچاڤ وێ رۆژێ د گەشن و دێ بەرێ خۆ دەنە خودێ خۆ، هەروەسا پێغەمبەرێ خۆشتڤى (سلاڤێت خودێ لێ بن) دبێژيت: هەروەكى بوخارى و موسلم خودآ ژ هەردوويان رازى بيت ژ جەريرآ كورآ عەبدوللايى (خودێ ژێ رازی بیت)، ڤەدگێرن دبێژيت: (كُنَّا عِنْدَ رَسُولِ اللَّهِ صَلّى اللهُ عَلَيْهِ وسَلَّم فَنَظرَ إِلَى الْقَمر لَيْلَە الْبدْر، وقَال: « إِنَّكُمْ ستَرَوْنَ رَبَّكُمْ عِياناً كما تَرَوْنَ هَذا الْقَمرَ، لاَ تُضامُونَ في رُؤيتِهِ) ئەم ل دەف پێغەمبەرێ خودێ بووين (سلاڤێت خودێ لێ بن) بەرێ خۆ دا هەيڤێ شەڤا چاردە شەڤى و گۆت: ((كا چاوا هوين هەيڤا چاردە شەڤى بێى زيان ب هەو بكەڤيت دبينن، هۆسا دێ خودێ خۆ ژى بينن. رامانا ڤێ ژى ئەڤە نينە كو چاڤێت مە دێ خودێ مەزن هەميێ گريت ئانكو (ئيحاتەكەت) نە، خودێ مەزن (يدرك) ئانكو: هەميێ دبينيت بەلێ چاڤێت مە هەمى خودايى نابينن (لاتدركه الابصار) و (لاتدركه) رامانا وێ ئەو نينە كو ئەم نابينين، بەلێ (ئيحاتە) يا خودێ ب ديتنا مە نائێتەكرن، بەس ديتنا خودێ ب قورئانێ و حەديسێ يا ئاشكرا و بنەجهە. و خەلكێ بەحەشتێ تنێ دێ بينن و ژن و زەلام وەكى ئێكن و چو بنيات بۆ ڤێ چەندێ نينە كو زەلام تنێ دێ بينن، و ئەز دبێژم: خۆ ئەگەر ئەڤ ئاخفتنە بۆ ترانە ژى بيت دڤێت نەهێتە گۆتن و تشتەكێ خەلەتە، چونكى ئەڤە ژ پرسێت بيروباوەر و عەقيدەنامەيێنە و دڤێت ترانە پێ نەئێتەكرن، و تشتێ ب عەقيدێڤە گرێدايى دڤێت ئەم مەزن بەرێ خۆ بدەينێ و تشتێت ب عەقيدێڤە گرێدايى د مەزنن و ب ترسن و چێ دبيت هندەك ڤەژەنێت ب ترس ژێ چێ ببن، و خودێ چێتر دزانيت.
