ب / ئەو ب خۆ مە باوەريا هەي كو دوو ملەتێت هەين دبێژنێ يەئجوج و مەئجوج و بەحسێ وان يێ د قورئانا پيرۆزدا هاتى د چيرۆكا زيلقەرنەيندا د سۆرەتا كەهفدا و هژمارا وان گەلەكە و ئەو ژى هەر زوريەت و دويندەها ئادەمينە و د حەديسا قودسيدا هاتيە: ((خودێ مەزن گۆت: ئەى ئادەم، ئادەم گۆت: لبيك وسعديك (لەبێ دويف لەبێ و هاريكارى دويف هاريكاريێ، يا خودێ) خودێ گۆت: ئەم هندەكان كۆم كۆم دێ هنێرينە د ئاگريدا، ئادەم گۆت: ئەى خودێ ئەو كينە كۆم كۆمە دچنە د ئاگريدا؟ گۆت: ژ هەر هزاران نەه سەد و نۆت و نەه دێ چنە جەهنەمێ و ئێك دێ چيتە بەحەشتێ، و هەكە ئەو وەخت هات هەر بچويكێ هەبيت ژ ترساندا دێ سەرێ وى سپى بيت و هەر تشتەكێ ب زك ژى دێ زكێ خۆ دانيت، پاشى خودێ مەزن گۆت: ئەى ئادەم.. دوو ملەت يێت د ناف هەوەدا هەين زۆر گەلەكن هندى ئەڤە د ناف هەوەدابن دێ هەر ژ هەوە پتر لێ هێن ئەو ژى يەئجوج و مەئجوجن.
و بەحسێ ڤى ملەتى دوو جار د قورئانێدا هاتيەكرن كو د خرابن و خرابيێ دكەن، و چەند حەديسەك ژى ل سەر وان يێت هەين و هاتنا وان ژى نيشانەكا رۆژا قيامەتێيە، و خودێ چێتر دزانيت.
