يا باش ئەڤەيە چ تو ژن بى يان زەلام دگەل موسلمانان بژي و دگەل وان رابى و روينى، و تێكەليا وان بكەى، و دگەل كۆما موسلمانان بى، و خۆ ژ وان جودانەكەى، و ژ وان ڤەدەر نەبى ناكەڤيە داڤێت شەيتانى، و نابيە نێچيرا وى. پێغەمبەرێ خۆشتڤى (سلاڤێت خودێ لێ بن) دبێژيت: (عَلَيكُمْ بِالجَمَاعَە، فَإِنَّمَا يأْكُلُ الذئْبُ مِنَ الغَنمِ القَاصِيە) هشيارى جەماعەتێ بن.. ب راستى گورگ ژ پەزى ياڤەدەر دخۆت. و ب رەنگەكى ل كار و عەمەلى دگەل موسلمانانبە و ب راستى ئەڤە هۆكار و ئەگەرەكێ سەرەكيە و يێ پێدڤيە هەكە مە بڤێت ئيمانا مە هەر يا ب هێز بيت، لەوا پێغەمبەرێ خۆشتڤى (سلاڤێت خودێ لێ بن) د حەديسەكا ديدا دبێژيت: (من اراد بحبوحة الجنة فليلزم الجماعة) هەركەسێ نيڤ و جهێ فرەهتر و برنجى و باشتر ژ بەحەشتێ بڤێت، بلا كۆما موسلمانان بگريت، و ب راستى ئەڤە ژ هەمى رێكان باشترە ئيمانا مرۆڤى هەر يا ب هێز بيت، و خودێ چێتر دزانيت.
