ب / د ڤى بابەتيدا يا فەرە ئەم بزانين زانينا خودێ يا ل بەرى و سابق و بەروەختە و ب هەمى تشتان يێ ب ئاگەهە و تشتێ وى ڤيا دێ ئەو بيت، بەلێ دگەل هندێ ژى دڤێت ئەم بزانين جوداهيەك د ناڤبەرا مەشيئەت ئانكو ئيرادە و مەحەبەت و حەژێكرنێدا يا هەى، ئانكو هەكە ئيرادا خودێ ل سەر تشتەكى نەبيت موستەحيلە ئەو تشت هەبيت، لەوا خودێ مەزن دبێژيت: ﭽ ﯮ ﯯ ﯰ ﯱ ﯲ ﯳ ﯴ ﯵ ﭼ ، بەلێ دگەل هندێ ژى هەمى ئازادى يا دايە مە كا مە چ دڤێت ئەم وێ بۆ خۆ هەلبژێرين: ((وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ)) بەلێ ل سەر حەزكرن و مەحەبەتا خۆ خودێ مەزن دبێژيت: ((فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ)) بەلێ دگەل هندێ ژى كوفر و خرابى يا هەى و هەكە مەشيئەت و ئيرادا خودێ دگەل نەبان نەدبوون، و چو گۆمان تێدا نينە خودێ حەژ گاورى و خرابيێ ناكەت، بەلێ دگەل هندێ ژى يێت هەين، و ديسا پێغەمبەرێ خۆشتڤى ژى (سلاڤێت خودێ لێ بن) دبێژيت: (ان الله كره لكم ثلاثا: قيل وقال وكثرە السؤال واضاعە المال) بەلێ دگەل هندێ ژى (قيل وقال) گەلەكێت هەين و (وكثرة السؤال) ژى يا هەى و (اضاعە المال) ژى گەلەكا هەى و خودێ مەزن حەژ وان ناكەت، بەلێ هەكە ئيرادا خودێ دگەل نەبان نەدبوون، چێ دبيت ئێك بێژيت: ئەڤە چاوا چێ دبيت كەنگى فەرق ناڤبەرا حەزكرن و ئيرادێدا هەيە؟! ئەز دبێژمێ بەلێ يا هەى و ئەڤە يا ئاشكرايە، بۆ نموونە: مرۆڤێ نەساخ بێ شك حەژ دەرمان و شرينقان ناكەت، بەلێ دگەل هندێ ژى دەرمانێ تەحل ڤەدخۆت و شرينقێت ب ئێش ددانيت، بەلێ هەكە ئيرادا وى ل سەر نەبا نەدكرن.. نە دەرمانێ تەحل ڤەدخوار و نە شرينقا ب ئێش ددانا بلا مربا و ئيرادا خۆ دا رەخەكى و بێى حەزكرنا خۆ كر، لەوا خودێ مەزن دبێژيت: ((وَهَدَيْنَاهُ النَّجْدَيْنِ)) و ((إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا)) خودێ هەردوو رێك ل بەر مە يێت رۆنكرين مە كيژ بڤێت دێ وێ بۆ خۆ گرين، راستە خودێ حەژ رێكا خراب و كوفرێ ناكەت بەلێ ئيرادا وى نەئەوە مە دڤێت و نەڤێت دڤێت ئەم ڤێ رێكێ بگرين يان يا دى، ئەم ئازادين و ب كەيفا خۆينە و خورتى ب چو رەنگان ل مە نائێتەكرن: ((فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ ))، و خودێ چێتر دزانيت.
