ب / دەڤ بێنانا گورگان و دەهبان و دەڤ گرێدانا وان چو راستى بۆ نينە و چو بنيات بۆ نينە و كەس نەشێت دەڤێ دەهبان گرێدەت بەلێ خودانێت پەزى يان هەر جانەوەرەكآ دى بيت بچنە دەف مەلايآ گوندى يان هەر ديندارەكآ ب پاريزكاريآ بەرنياس ژێ بخوازن دوعا پارازتنێ بۆ مالێ وان و جانەوەرێت وان بكەت و دوعا بكەت خودێ دەهبەيان و گورگان ژ جانەوەرێت وان دوير بێخيت و جانەوەرێت وان ژ دەڤێ گورگان و دەهبەيان بپارێزيت ئەڤە دورستە و دبيت خودێ جانەوەرێت وان بپارێزيت پێغەمبەرێ خۆشتڤى (سلاڤێت خودێ لێ بن) دبێژيت: دبيت يێ سەر قژەڤژ و تۆزكەيى و بەردەرگەهان پالدايى ئانكو دەرێخستى (ژبەر بێسەروبەريا وى) هەكە سويندێ ب سەر خودێ بخۆت (ئانكو بێژيت ب خودێ خودێ دێ هۆكەتەهە) خودێ دێ سويندا وى ب جه ئينيت (تشتێ سويند بۆ خوارى خودێ دێ دەتێ). بەلێ ئەڤا دهێتەكرن خواندنا سۆرەتا ئەلقەدر ل سەر كێرەكا دەڤ ڤەكرى و هەتا دگەهيتە ( سلام هي حتى مطلع الفجر ) دەڤێ كێرێ بگريت و بێژيت: دەڤێ گورگى ل بەر هەتا سوبەهى رۆژ دهێتە دەر، ئەڤە نەيا دورستە و چو بنيات و پشك ژ راستيێ ڤێ چەندێ نينە، و خودێ چێتر دزانيت.
