ب / د بيروباوەرێت مەدا بەحەشت و جەهنەم ڤێ گاڤێ يێت هەين و نە ژ نوى خودێ رۆژا قيامەتێ دێ چێكەت، چونكى خودێ مەزن د قورئانا خۆ يا پيرۆزدا بۆ بەحەحشتێ دبێژيت: ((أُعِدَّتْ لِلْمُتَّقِين)) و بۆ جەهنەمێ دبێژيت: ((أُعِدَّتْ لِلْكَافِرِينَ))، و زانايێت مە دبێژن: ئەڤە ڤێ رادگەهينيت د چێكرينە و يێت هاتينە چێكرن. ديسا پێغەمبەرێ خودێ ژي (سلاڤێت خودێ لێ بن) د حەديسا قودسيدا دبێژيت: خودێ مەزن دبێژيت: (أَعْددْتُ لعِبادِێ الصَّالحِينَ مَا لاَ عيْنٌ رَأَتْ، ولاَ أُژنٌ سَمِعتْ ولاَ خَگرَ علَى قَلْبِ بَشَرٍ، واقْرۆوا إِنْ شِئتُمْ: ((فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ)). من بۆ بەندەيێت خۆ يێت كێرهاتى و راستكار يێ بەرهەڤكرى: تشتێ نە چاڤان ديتى و نە گوهان گولێ بووى و نە كەفتيە سەر دلێ چو مرۆڤان، بخوينن هەكە هەوە بڤێت: كەس نوزانيت چ خەلات يێ بۆ وان هاتيە ڤەشارتن، چاڤێت وان پێ رۆن ببن و ب ديتنا وى شاد ببن، ژبەر وان كار و كريارێت وان دكرن. ديسا پێغەمبەرێ خۆشتڤى (سلاڤێت خودێ لێ بن) دبێژيت: ( تُفْتَحُ أبْوابُ الجَنَّە يوْمَ الاثنَيْنِ ويوْمَ الخَمِيس، فَيُغْفَرُ لِكُلِّ عبْدٍ لا يُشْركُ بِاللَّهِ شَيئاً، إلاَّ رجُلاً كانَت بيْنهُ وبَيْنَ أخيهِ شَحْناءُ فيقالُ: أنْظرُوا هذيْنِ حتَّى يصطلِحا، أنْظرُوا هذيْنِ حتَّى يَصطلِحا ). ئانكو دەرگەهێت بەحەشتێ رۆژا دووشەمبێ و پێنج شەمبێ دهێنە ڤەكرن، ڤێجا گونەهێت هەر بەندەيەكێ هەبيت چو شريك بۆ خودێ نەچێكربن دهێنە ژێبرن، مرۆڤەك نەبيت ئەو و برايێ خۆ (يان خويشكا خۆ) د ژێك سل بن، دێ بێژيت: ڤان هەردووكان بهێلن هەتا ژ ئێك ئاشت دبن، ڤان هەردووكان بهێلن هەتا ژ ئێك ئاشت دبن. ديسا عەبدوللايێ كورێ سائيبى، (خودێ ژێ رازی بیت)، دبێژيت: پێغەمبەرێ خودێ (سلاڤێت خودێ لێ بن) چار ركاعەت بەرى نڤێژا نيڤرۆ پشتى رۆژ ژ نيڤا عەسمانى دبۆري دكرن و دگۆت: ب راستى ئەو سەعەتەكە دەرگەهێت عەسمانى تێدا ڤەدبن، و من دڤێت بۆ من كارەكێ باش تێدا بلند ببيت. ديسا پێغەمبەرێ خۆشتڤى (سلاڤێت خودێ لێ بن) د حەديسا بوخارى و موسلميدا دبێژيت: (إِذا جَاءَ رَمَضانُ، فُتِّحَتْ أَبْوَابُ الجنَّة، وغُلِّقَت أَبْوَابُ النَّار، وصُفِّدتِ الشياطين)، هەكە رەمەزان هات دەرگەهێت بەحەشتێ ڤەدبن و دەرگەهێت جەهنەمێ دهێنەگرتن، و شەيتان دهێنە زنجيركرن (ئانكو بۆ سەردابرنێ دهێنە لاوازكرن). و حەديس ل دۆر ڤى بابەتى گەلكن ئەڤە هەمى چ دگەهينيتە مە، دگەهينيتە مە كو بەحەشت و جەهنەم ڤێ گاڤێ يێت هەين و د چێكرينە، و خودێ چێتر دزانيت.
