ب / نەخێر ڤان رەنگە كاران چو بنياتێ خۆ يێ دورست نينە و چو خزمەتا دينى پێ نائێتەكرن، بەروڤاژى.. دين دهێتە كرێتكرن، و ئەڤ تشتە ل دەف سەحابان نەبوو و ژ پێغەمبەرى ژى (سلاڤێت خودێ لێ بن) نەهاتيە ڤەگوهاستن و ژ تابعينان ژى نەهاتيە زانين، و هەكە ئەڤێت ڤان كاران دكەن هندى ئەو د خودێ ترس و ب تەقوا بن ئەو ژ پێغەمبەرى (سلاڤێت خودێ لێ بن) و سەحابان و تابعيان تەقواتر نينن، دگەل هندێ ژى وان ئەڤ رێكە نەگرتيە؛ دا دينى بەلاڤكەن و قەناعەتێ بۆ خەلكى ب راستيا ئيسلامێ چێكەن، دڤێت ئەم بزانين ئيسلام سيستەم و پرۆگرام و ياسا و مەنهەج و دستور و رێبازا ژيانێيە و كارێت هۆسا يێت كرێت و چيڤانۆك خزمەتێ ناگەهيننە ئيسلامێ، و ئەوێت ڤێ دكەن بلا بزانن ئەڤە نە نيشانا تەقواداريێيە، چونكى هندۆس و خەلكێ گەلەك دينێت دى ژى دكەن، ئەرێ ئەو ژى هندى هند ب تەقوانە، و كارێ ئەو دكەن ئێك ژ دووانە: يان پەلەوانيەكا زێدەيە يان سێربەندى و سحرە تشتەكێ دى نينە، چونكى مە گەلەكێت خودێ ناس و تەقوا يێت هەين، بەلێ ب زكر و نڤێژ و رۆژى و رابوونا شەڤێ و ب رۆندكان يێت بەر نياس بوون، نە ب كرنا ڤان تشتان، و خودێ چێتر دزانيت.
