ب / دڤێت ئەم بزانين ئێك ژ ئارماجێت سەرەكى يێت ئيسلامێ رزگاركرنا عەقلێ مرۆڤيە، باوەر ژ تشتێ ئاشۆپ و بێ بنيات نەكەت و ببيتە ئێخسيرێ تشتێ پويچ و بێ بنەما و بێ بنيات، و هەمى تشتێت بەرهنگاردبنێ هەلسەنگينيت و هەرێكێ حەقێ وى بدەتێ ژ باوەركرنێ يان نەباوەركرنێ، ژبەر هندێ ئەز دبێژم دڤێت موسلمان يێ ژير و شارەزا و تێگەهشتى بيت، و يێ سادە نەبيت نەهەرتشتێ هەبيت باوەر ژێ بكەت نەخاسمە هەكە لاوازى و بێبنەمايى ژێ بفريت، و ژێ ئاشكرابيت، وەكى ڤێ وەسيەتێ، چونكى ڤێ وەسيەتێ نەجارەكێ تنێ و سالەكێ تنێ سەرێ خۆ هەلدايە، چەند جاران يێ دووبارە بووى، ما ئەڤە تنێ بەس نينە ئەم باوەر ژێ نەكەين و بسۆژين، هەرگاڤا كەفتە د دەستێ مەدا، ب راستى كەس نينە ب ڤى ناڤى كليلدارێ كەعبێ يان كليلدارێ مەرقەد و مەزگەفتا پێغەمبەرى بيت (سلاڤێت خودێ لێ بن)، ڤێجا ئەڤە تنێ بەس نينە ئەم د راستا ڤێ بەلاڤۆكێدا دوودل نەبين و بزانين يا بێ بنيات و درەوە، و يێ خۆشيا دنيا و ئاخرەتێ بڤێت بلا ب دورستى دويفچۆنا پێغەمبەرێ خودێ (سلاڤێت خودێ لێ بن) بكەت سەرفەرازى و دلخۆشى و رويسپياتى و كامەرانى و سەربلندى هەر يا د ڤێ چەندێدا، ڤێجا وەرن دا پەيمانان بدەين ژ ئەڤرۆ وێڤە ئەم رێك و سونەت و پەياما پێغەمبەرێ خۆ (سلاڤێت خودێ لێ بن) بگرين و پێگريێ پێ بكەين، و خودێ چێتر دزانيت.
