ب / بێ گۆمان رۆژا ئەينى ژ رۆژێت ب بها و قەدرگرانە، پێغەمبەرێ خۆشتڤى (سلاڤێت خودێ لێ بن) د راستا ئەينيێدا دبێژيت: (خيْرُ يوْمِ طلعَتْ عَلَيْهِ الشَّمْسُ يوْمُ الجُمُعَة: فِيهِ خُلِقَ آدمُ، وَفيه أُدْخِلَ الجَنَّە، وفيه أُخْرجَ مِنْهَا ولا تَقُومُ السَّاعَە إلا في يَوْمِ الْجُمُعَة) ئانكو: خێرترين رۆژ، رۆژ ل سەر هەلاتى رۆژا ئەينيە: د وێدا ئادەم يێ هاتيە چێكرن، و د وێدا يێ كريە د بەحەشتێدا، و د وێدا يێ ژێ هاتيە دەرێخستن و رۆژا قيامەتێ نارابيت تێدا نەبيت. و د حەديسەكا ديدا دبێژيت: ((سەروەرێ رۆژان رۆژا ئەينيە و ل دەف خودێ ژ هەميان ب قەدرترە)). و د حەديسەكا ديدا (سلاڤێت خودێ لێ بن) دبێژيت: (فِيها سَاعَە لا يُوَافِقها عَبْدٌ مُسلِمٌ، وَهُو قَائِمٌ يُصَلِّي يسأَلُ اللَّه شَيْئاً، إِلاَّ أَعْطاهُ إِياه » وَأَشَارَ بِيدِهِ يُقَلِّلُهَا) ئانكو: وەختەك يێ د رۆژا ئەينيدا هەى، نينە بەندەيەكێ موسلمان بكەڤيتە تێدا، و ئەو ژ پياڤە بيت نڤێژێ بكەت، و دوعا ژ خودێ بكەت، هەكە خودێ تشتێ داخوازكرى نەدەتێ. و ئيشارەت كرە دەستێ خۆ كێم دانا (ئانكو دياركر ب ئيشارەتا دەستێ خۆ ئەو وەخت يێ كێمە). و ژ پێغەمبەرى(سلاڤێت خودێ لێ بن) هاتيە ڤەگێران: (ما من مُسْلِمٍ يمُوتُ يوم الْجُمُعَە أو لَيْلَە الْجُمُعَة إلا وَقَاهُ الله فِتْنَە الْقَبْر) (وقي فتنە القبر) (وقي فتنە القبر ومات شهيدا) (إلا برئ من فتنە القبر) (وقي الفتان) و هەلبەت رامانا هەمي ريوايەتا نێزيكى ئێكە، و ئەڤ حەديسە ترمزى و ئيمام ئەحمەد و تەبەرانى و عەبد بن حەميد و ئيسحاق بن راهەوەيهى ژ عەبدوللايێ كورێ عومەرى (خودێ ژێ رازی بیت)، ڤەگێرايە و ئەبو يەعلايێ مويسلى ژ ئەنەسێ كورێ مالكى (خودێ ژێ رازی بیت)، و ئەبو نەعيم ژ جابرێ كورێ عەبدوللايى (خودێ ژێ رازی بیت)، و عەبدولرەزاقى ژ كورێ شهابى (خودێ ژێ رازی بیت)، بەلێ رێكا كەسێ ژ ڤان ژ لاوازيێ ساخلەم نەبوويە و د هەمى رێكاندا ڤەگێرێت لاواز و نەباوەرپێكرى يێت هەين، بەلێ ئەلبانى د كتێبا جەنائيزدا ب رێكێت خۆڤە دورست ددانيت هەكە وەبيت يێ رۆژا ئەينى بمريت دێ ژ ئيزا و بەلا گۆرى هێتە پاراستن، و خودێ چێتر دزانيت.
