ب / تەبەروكێ دوو رامان هەنە: ب رامانەكێ دورستە و ب رامانا دى نەيا دورستە، و ب رامانا دورستە؛ ئەوە مرۆڤ ب هيڤى و گەشبين و ب ئومێد بيت ب تشتەكى وەكى تو ژ مرۆڤەكێ ديندار بخوازى دوعايان بۆ تە بكەت بۆ تەبەروك، يان بێژى ئەز خوارنا بێڤانى دخۆم بۆ بەرەكەت، چونكى ئەو يێ ديندارە خوارنا وى يا حەلالە و مرۆڤى ئومێد ب خوارنا حەلال هەبيت، يان ژ ئێكى بخوازى بۆ بەرەكەت بۆ تە ب تشتەكيڤە بخوينيت، يان بۆ بەرەكەت بێتە مالا تە، يان بۆ بەرەكەت تشتەكى بۆ تە هەلبژێريت هيڤيا هندێ يێ چاكە و يێ باشە و تە هيڤى و ئومێد ب چاكيا وى هەبيت د وان كاراندا، ئەڤە يا دورستە هەروەكى د سەحيحا ئبن حەبانى و خوزەيمەيدا هاتى عومەرێ كورێ خەتابى (خودێ ژێ رازی بیت) گۆت: يا خودێ مە هەوارا خۆ ب پێغەمبەرێ تە دكر تو بارانا بۆ مە بينى، تە باران بۆ مە دئينان، و ئەڤرۆ ئەم هەوارا خۆ ب مامێ پێغەمبەرێ تە ژ تە دكەين تو بارانان بۆ مە بينى. ئانكو ئەم تەبەروكێ و ئومێديێ ب دوعايێت مامێ پێغەمبەرێ تە دكەين. و ب رامانا نەدورست ئەوە تەقديسكرنە و دەرێخستنە ژ تخويبان، ئەڤە نەيا دورستە نابيت تەبەروك ب ئێكێ، وى ژ تخويبێت وى دەربێخى، و خودێ چێتر دزانيت.
