ب / ژێدەرێت ديرۆكى و ڤەكۆلينێت سەردەم دياردكەن ئێزدى د بنياتێ خۆدا موسلمان بوون، و دويفچۆيێت عەديێ كورێ موسافرێ ئەمەوينە، و ئەو ب خۆ خەلكێ بەعلەبەكێيە ل شامێ مشەخت بوو هاتە هەكاريا، دهاتە هەژمارتن ژ لاگرێت يەزيدآ كورێ موعاويەى و نەخۆشيا خۆ ژ لەعنەتكرنا وى ديار دكر، ژبەر ڤێ چەندێ ئەو و دويفچۆيێت وى ب يەزيديان هاتنە ناڤكرن، و د بنياتدا موسلمان بوون، پيچ پيچە و بەرە بەرە تشت كەفتنە د بيروباوەرێت واندا و كێم و كاسى و زێدەيى كەفتنە تێدا هەتا وەلێهاتى يێ نەشارەزا هزركەت ئەو خودانێت ئايينەكى سەربخۆنە و ئەو ب خۆ وەسا نينە، د ره و رويشالێت خۆدا دزڤرنە ئيسلامەتيێ و ئاينەكێ خۆسەر نينن هەتا بەرى موسلمانەتيێ هەبن. و يێ پتر دڤێت بزانيت بلا بزڤريت نامەيا ماجستێرێ يا دكتۆر ئازاد سەعيد سمو ئەوا پالپشتي ل سەر چاڤپێكەتن و ديدارێت دگەل ئاينزانێت وان كرى و پالپشتى ل سەر دەق و دكيۆمێنتێت د ناڤ واندا دهێنە ب كارئينان د هەلكەفتێت جودا جودادا ئەوێت رامانا هندێ ددەن، و بێ گۆمان ئەو د رويشال و بنياتێ خۆدا موسلمانن، و خودێ چێتر دزانيت.
