ب / مرۆڤێت خودێ، و كێرهاتى و چاك و وەليان، حەژێكرنا وان چونكى د چاك و باش و خودێ ترس بوون تشتەكێ باشە، چونكى دڤێت ئەم حەژ چاك و باشان بكەين هيڤيا هندێ خودێ رۆژا قيامەتێ مە دگەل وان راكەتەڤە و دا بگەهينە بەرەڤانيا وان، هەروەكى ئيمامێ شافعي (خودێ ژێ رازی بیت) دبێژيت:
أحب الصالحين ولست منهم لعلي أن أنال بهم شفاعة
ئەز حەژ چاكان دكەم و ئەز نەژ وانم بەلكى ئەز ب وان بگەهمە بەرەڤانيێ، ڤێجا هەكە سەرەدان وێ مەبەستا شەرعى دئينيتە جه كو بيرا مە بينيتە مرنێ دورستە، ب مەرجەكى.. ئەم تونديێ د راستا ويدا نەكەين و بزانين ئەو بەندەيێ خودێيە و ب گوهداريا خۆ بۆ خودێ يێ گەهشتيە وى جهى، و پشتى چۆيە بەر دلۆڤانيا خودێ، ئەو نەشێت چو مفاي بگەهينيتە مرۆڤێت ساخ و زيندى، و ئەو پێدڤى و هەوجەى مرۆڤێت ساخە، ب ڤى مەرجي دورستە سەرەدانا مەرقەدێت وان بێتەكرن و مرۆڤ دوعايا بۆ وان بكەت خودێ جهێ وان خۆشكەت، و خودێ چێتر دزانيت.
