ب / بێ گۆمان شەيتانى دويندەه و قنێت يا هەي، و د ڤێ رامانێدا خودێ مەزن دبێژيت: ((وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا)) و بێژە وان، دەمێ مە گۆتيە ملياكەتان بۆ ئادەمى هەرنە سوجدێ ـ سوجدەيا رێزگرتنێ نەيا پەرستنێ ـ، ڤێجا هەمى چۆنە سوجدەيێ شەيتان تێ نەبيت، ئەو ژ ئەجنەيان بوو، و ژ ئەمرێ خودايێ خۆ دەركەفت، ئەرێ هوين وى و دويندەها وى شوينا من بۆ خۆ دكەنە پشتەڤان، و ئەو دژمنێت هەوە، چ پيسە گوهۆرينە ستەمكار دكەن، وەختێ خودێ دهێلن و شەيتانى و دويندەه و قنێتا وى بۆ خۆ دكەنە پشتەڤان. بەلێ ب چ رێك نێر و مێ هەنە يان ژ وى ب خۆ دەردكەڤن و ئەو نێر و مێيە هەروەكى د هندە دەقاندا هاتى، يان هێكان دكەت و ب هێكان زێدەييێ ددەتە خۆ، ب راستى مە چو بەلگەيێت دورست و ئاشكرا ل سەر چاوانيا زێدبوونا وى نينە ژبلى ڤەگێرا بورقاني د سەحيحا خۆدا ئيناي هەروەكى نەوەوى د ريازێدا ژێ ڤەگوهاستى، دبێژيت: (ورَوَاهُ البرْقَانِي في صحيحه عَنْ سَلْمَانَ قَالَ: قَالَ رسُولُ اللَّه صَلّى اللهُ عَلَيْهِ وسَلَّم: « لا تَكُنْ أوَّلَ مَنْ يدْخُلُ السُّوقَ، وَلا آخِرَ منْ يخْرُجُ مِنْهَا، فِيهَا بَاض الشَّيْطانُ وَفَرَّخَ ». ئانكو: بەرقانى د سەحيحا خۆدا ڤەگێرايە ژ سەلمانێ فارسى، گۆت: پێغەمبەرێ خودێ (سلاڤێت خودێ لێ بن) گۆت: نەيێ ئێكێبە بچيە سويكێ و نەيێ دويماهيێبە ژێ دەركەڤي، شەيتانى ل وێرێ هێكا خۆ يا كرى و يێ كورك بووى، بەلێ دبيت مەخسەد پێ راستيا هێكێ نەبيت هەروەكى زانا دبێژن: مەخسەد پێ ئەو بيت يا شەيتانى ڤياي ژ خرابيان و حيل و حەوالە و خاپاندنان ل وێرێ يا كرى و سويك يا كريە جهێ غش و خاپاندن و درەوان. و هەكە ئەم رامانا ئاشكرا بگرين بەلێ هێكان دكەت، هنگى ئەم نزانين ئەو دكەت يان ژنا وى، ئيمام شەعبى دبێژيت: زەلامەكى پسيار ژ من كر شەيتانى ژن هەيە، من گۆتێ: ئەز ل وێ دەواتێ حازر نەببووم، و من گۆت: ((أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا)) ڤێ ئايەتێ من زاني وى ژن يا هەى، و هۆسا زێدەييێ ددەتە خۆ، و قەتادە و موجاهد ژى هەر ڤێ دبێژن يا شەعبى دبێژيت، و خودێ چێتر دزانيت.
