ب / زانا ل سەر نەژادآ ئبليسى نەئێكن، بەلێ بۆچوَنا ب هێزتر و ب بەلگەيان پشتەڤاني كرى، ئبليس ژ ئەجنايە و د نەژادێ خۆدا نە ژ ملياكەتانە، خودايێ مەزن ئاشكرا ڤێ د سۆرەتا كەهفدا د ئايەتا پێنجيێدا دبێژيت: ((وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاءَ مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا)) و بێژە وان، دەمێ مە گۆتيە ملياكەتان بۆ ئادەمى هەرنە سوجدەيێ ـ سوجدەيا رێزگرتنێ نەيا پەرستنێ ـ، ڤێجا هەمى چۆنە سوجدێ شەيتان تێ نەبيت، ئەو ژ ئەجنەيان بوو، و ژ ئەمرێ خودايێ خۆ دەركەفت، ئەرێ هوين وى و دويندەها وى شوينا من بۆ خۆ دكەنە پشتەڤان، و ئەو دژمنێت هەوە، چ پيسە گوهۆرينە ستەمكار دكەن، وەختێ خودێ دهێلن و شەيتانى بۆ خۆ دكەنە پشتەڤان. تەفسرزانێ ناڤدار ئبن كەسير(خودێ ژێ رازی بیت) دبێژيت: ئەجنە بنياتێ وان شەيتانە، و شەيتان سەر و مەزنێ وانە، و دگەل ملياكەتان عيبادت دكر، ژ ڤێ چەندێ ژ وان دهاتە هەژمارتن نەكو چونكى ژ نەژادێ وان بوو بەلكى چونكى عيبادەت دگەل وان دكر كەفتە بن ئەمرێ خودێڤە دەمێ فەرمان كرى: ((وَإِذْ قُلْنَا لِلْمَلَائِكَةِ اسْجُدُوا لِآدَمَ)) و زانايێ ناڤدار ئبن تەيميە (خودێ ژێ رازی بیت)، دبێژيت: شەيتان د نەژاد و بنياتێ خۆدا نەملياكەتە، بەلێ خودێ شيان دابوونێ خولك و وێنێ خۆ بگوهۆريت بۆ وى رەنگێ وى دڤێت، و چونكى عيبادەت دگەل ملياكەتان دكر خۆ ئينا بوو سەر وێنێ وان و ئەو د وێنەيدا يێ هەڤپشك بوو دگەل ملياكەتان نە د بنياتێ خۆدا و دەمێ خودێ ئەمرێ ملياكەتان كرى بۆ ئادەمى بچنە سوجدێ ئەو ل سەر وێنێ وان بوو و دگەل وان بوو فەرمانێ ژ وى ژى گرت، و خودێ چێتر دزانيت.
