ب / پێدڤيە ئەم تشتێ نەديتى و نەپەنى و غەيبى و تشتێ ديتى و بەرچاڤ ب ئێك پيڤەر و ترازى نەكێشين، هەر ئێك ژ وان ياسايا خۆ يا تايبەت يا هەى، و نابيت ئەم تشتێ بەرچاڤ قياسكەينە سەر يێ نەديتى و غەيبى، و دڤێت مە باوەرى ب تشتێ غەيبى هەبيت وەكى بۆ مە هاتيە گۆتن و ڤەگوهاستن، و بێ گۆمان خودێ مەزن هێز و شيانێت تايبەت يێت داينە ملياكەتێ مرنێ ب رەنگەكێ وەسا د ئێك گاڤدا بشێت جانێ وان بكێشيت ئەڤێت رۆژێت وان د دنيايێدا ب دويماهي هاتين. تەفسيرزانێ تابعي موجاهد دبێژيت: (جعلت الأرض لملك الموت مثل الطست يتناول منها حيث شاء وجعلت له أعوان يتوفون الأنفس ثم يقبضها منهم) خودێ دنيا بۆ ملياكەتێ مرنێ وەكى تەستێ يێ لێكرى، هەر جهێ بڤێت ژێ وەرگريت، و هاريكارێت بۆ داناين جانان دكێشن و ئەو ژێ وەردگريت. و بەلگە ژ قورئانێ ل سەر هندێ ملياكەتێ مرنێ نە يێ ب تنێيە، بەلكى ئەو سەرۆكێ كۆمەكا ملياكەتانە تايبەتن ب كێشانا جانێن مرۆڤان، خودێ دزانيت هژمارا وان چەندە، خودێ مەزن دبێژيت: ((وَهُوَ الْقَاهِرُ فَوْقَ عِبَادِهِ وَيُرْسِلُ عَلَيْكُمْ حَفَظَةً حَتَّىٰ إِذَا جَاءَ أَحَدَكُمُ الْمَوْتُ تَوَفَّتْهُ رُسُلُنَا وَهُمْ لَا يُفَرِّطُونَ)) و هەر ئەوە زال ل سەر بەندەيێت خۆ و سەردەست، و ئەوە ملياكەتێت پارێزڤان ب سەر هەوەدا دهنێريت، هەتا دەمێ مرنا ئێك ژ هەوە دئێت هنارتيێت مە دمرينن و جانێ وى دكێشن، و ئەو تەخسيرى و كێماسيێ ناكەن. ((الَّذِينَ تَتَوَفَّاهُمُ الْمَلَائِكَةُ ظَالِمِي أَنفُسِهِمْ فَأَلْقَوُا السَّلَمَ مَا كُنَّا نَعْمَلُ مِن سُوءٍ بَلَىٰ إِنَّ اللَّهَ عَلِيمٌ بِمَا كُنتُمْ تَعْمَلُونَ)) ئەوێت ستەم ل خۆ كرين، وەختێ ملياكەت روحێت وان دكێشن دەست ژ هەڤركى و دژمنيێ بەردان و تەسليمى ئەمرێ خودێ بوون، دێ بێژن: مە چو خرابى نەدكر. بەلێ كارێ هەوە خرابى بوو ب راستى خودێ دزانيت كا هەوە چ دكر. ((الَّذِينَ تَتَوَفَّاهُمُ الْمَلَائِكَةُ طَيِّبِينَ يَقُولُونَ سَلَامٌ عَلَيْكُمُ ادْخُلُوا الْجَنَّةَ بِمَا كُنتُمْ تَعْمَلُونَ)) ئەوێت ملياكەت روحێت وان دكێشن، و ئەوێت پاك و پاقژ ژ شرك و گونەهان، ملياكەت سلاڤ دكەنە وان و دبێژنێ ((السلام عليكم)) سلاڤ ل سەر هەوە بن د خۆشيێدا بمينن و ژ بەر كار و كريارێت هەوە كرين هەرنە د بەحەشتێدا. ((فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِآيَاتِهِ أُولَٰئِكَ يَنَالُهُمْ نَصِيبُهُم مِّنَ الْكِتَابِ حَتَّىٰ إِذَا جَاءَتْهُمْ رُسُلُنَا يَتَوَفَّوْنَهُمْ قَالُوا أَيْنَ مَا كُنتُمْ تَدْعُونَ مِن دُونِ اللَّهِ قَالُوا ضَلُّوا عَنَّا وَشَهِدُوا عَلَىٰ أَنفُسِهِمْ أَنَّهُمْ كَانُوا كَافِرِينَ)) ڤێجا ما كى ژ وى ستەمكارترە ئەوێ درەوێ ژ كيسێ خودێ دكەت، يان ژى نيشان و ئايەتێت وى درەو بدانيت؟ ئەڤە دێ گەهنە بارا خۆ ئەوا بۆ وان هاتيە نڤێسين ژ دنيايێ، هەتا ملياكەتێت مە دئێنە وان و جانێ وان دستينن، و دبێژن: كا ئەوێت هەوە شوينا خودێ دپەراستن؟ دێ بێژن: ئەو ل مە بەرزەبوون، و شادەيى ل سەر خۆ دان كو ب راستى ئەو د گاوربوون.
