ب / مە باوەريەكا موكما موكم يا هەى خودێ مەزن يێ دلۆڤان و عادلە، و دلۆڤانى و عەدلا وى دويف مەزناتيا وينە، و ئەو كەسێ بەرپرس و ئيزا نادەت موسلمانەتى ب رێكا موسلمانان ب دورستى نەگەهشتبيتێ و بۆ نەهاتبيتە دياركرن، خودێ مەزن د قورئانا خۆ يا پيرۆزدا دبێژيت: ((مَّنِ اهْتَدَىٰ فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلَا تَزِرُ وَازِرَةٌ وِزْرَ أُخْرَىٰ وَمَا كُنَّا مُعَذِّبِينَ حَتَّىٰ نَبْعَثَ رَسُولًا)) هەركەسێ راستەرێ بوويى، ب راستى بۆ خۆ يێ راستەرێ بوويى، و هەر كەسێ گومرا و بەرزەبوويى زيانێ بەس ل خۆ دكەت، و كەس گونەها كەسێ راناكەت، و هەتا ئەم پێغەمبەران نەهنێرين ئيزادان و عەزابێ نادەين. و گەلەك ئايەتێت دى ژى د ڤێ رامانێدا يێت هاتين خودێ كەسێ ئيزا نادەت هەتا پێغەمبەران بۆ نەهنێريت وان بخوازنە ئيسلامێ و بەرێ وان ژ خرابيێ وەرگێرن و بەرێ وان بدەنە راستى و باشيێ، و يێ ئيسلام ب چو رەنگان نەگەهشتبيتێ زانايێت مە دبێژن: خودێ رۆژا قيامەتێ دێ وان جەربينيت و ئمتيحانەكەت.. هەكە گوهدارى كر ئەڤە چارەنڤيسێ باش بۆ خۆ هەلبژارت، و هەكە گزهدارى نەكر ئەڤە وان چارەنڤيسێ خراب بۆ خۆ هەلبژارت، چونكى هەكە د دنيايێدا ئيسلام گەهشتبا وان ژى هەر دا وى هەلويستى گرن و هەلبژێرن. ل دەف ئيمام ئەحمەد و تەبەرانى و ئبن حەبان هاتيە پێغەمبەر (سلاڤێت خودێ لێ بن) دبێژيت (أَرْبَعَة يوم الْقِيامَە رَجُلٌ أَصَمُّ لاَ يَسْمَعُ شَيْئاً وَرَجُلٌ أَحْمَقُ وَرَجُلٌ هَرَمٌ وَرَجُلٌ مَاتَ في فَتْرَة فَأَمَّا الأَصَمُّ فيقول رَبِّ لقد جاء الإِسْلاَمُ وما أَسْمَعُ شَيْئاً وَأَمَّا الأَحْمَقُ فيقول رَبِّ لقد جاء الإِسْلاَمُ وَالصِّبْيانُ يحذفوني بِالْبَعْر وَأَمَّا الْهَرَمُ فيقول ربي لقد جاء الإِسْلاَمُ وما أَعْقِلُ شَيْئاً وَأَمَّا الذي مَاتَ في الْفَتْرَە فيقول رَبِّ ما أتاني لك رَسُولٌ فَيأْخُذ مَوَاثيقَهُمْ لَيُطيعُنَّهُ فَيُرْسِلُ إِلَيْهِمْ ان أدخلوا النَّارَ قال فوالذي نَفْسُ مُحَمَّدٍ بيده لو دَخَلُوهَا لَكَانَتْ عليهم بَرْداً وَسَلاَماً) چار كەس رۆژا قيامەتێ دێ هێجەتان گرن.. ئێكێ كەر گوه ل چو نەبيت و ئێكێ گوريخ و ئێكێ پيرەكال و ئێكێ بەرى هاتنا پێغەمبەرى مرى، هنديكە يێ كەرە دێ بێژيت: يا خودێ موسلمانەتى هات و من گوه ل چو نەدبوو، و يێ گوريخ دێ بێژيت: يا خودێ موسلمانەتى هات بچويكا پشكل د من وەردكرن، و يێ پيرەكال دێ بێژيت: يا خودێ موسلمانەتى هات و ئەز چو تێ نەدگەهشتم، و يێ مرى بەرى پێغەمبەر بۆ بهێت دێ بێژيت: يا خودێ.. چو پێغەمبەر ژ لايێ تەڤە بۆ من نەهاتينە، دێ ئاخفتنا موكم و بنەجه ژ وان هێتە وەرگرتن دێ گوهداريا خودێ كەن، دێ ئێكى فرێكرەت بێژيتێ: خۆ باڤێژنە د ئاگريدا، پاشى پێغەمبەرى (سلاڤێت خودێ لێ بن) گۆت: ئەز ب وى كەمە يێ جانێ موحەممەدى د دەستێ ويدا.. هەكە چۆبانە تێدا دا بۆ وان سار و سلامەتى بيت. و ل دەف ئيمام ئەحمەد ئەڤ حەديسە ژ ئەبو هورەيرەى (خودێ ژێ رازی بیت)، هاتيە و ب ڤێ زێدەيێ (فَمَنْ دَخَلَهَا كانت عليه بَرْداً وَسَلاَماً وَمَنْ لم يدْخُلْهَا يُسْحَبُ إِلَيْهَا) يێ چۆ تێدا بۆ وى دێ سار و سلامەتى بيت، و يێ نەچۆ تێدا دێ وى راكێشنە تێدا. بەلێ يآ گول ئيسلامێ ببيت و باوەرى پێ نەئينابيت يان گوهێت خۆ ژ ئيسلامەتيێ بگريت و نەڤێت گولێ ببيت.. ئەڤە جودايە، ڤان چو هێجەت نينە و هەكە مرين ئەو ل سەر بێ باوەريێ مرين، و چارەنڤيسێ گاور و بێ باوەران ژى يێ ئاشكرايە. و د ڤێ رامانێدا ئيمام موسلم ژ ئەبى هورەيرە ڤەدگێريت، دبێژيت: پێغەمبەرێ خودێ (سلاڤێت خودێ لێ بن) دبێژيت: (وَالَّذي نَفْسُ مُحَمَّدٍ بيده لَا يسْمَعُ بِي أَحَدٌ من هذه الْأُمَّە يَهُودِيٌّ ولا نَصْرَانِيٌّ ثمَّ يمُوتُ ولم يُؤمِنْ بِالّذي أُرْسِلتُ بِهِ إلا كان من أَصْحَابِ النَّار) ئەز ب وى كەمە يێ جانێ موحەممەدى د دستێ ويدا.. نينە ئێك ژ وان يێت ڤێگاڤێ هەين هەتا رۆژا قيامەتێ ژ جيان و فەلەيان بمريت و باوەرى ب وێ نەئينابيت يا ئەز پێ هاتيمە هنارتن، هەكە نەژ خەلكێ ئاگرى بيت، زانايێت مە دبێژن: ئەڤە ژ هەمى مرۆڤان دگريت نەبەس جى و فەلەيان ب تنێ، بەلكێ بەحسێ وان كر چونكى ئەو خودان كتێبن و پێغەمبەرێت خۆ يێت تايبەت يێت هەين، هەكە بۆ وان نەبيت ئەو باوەريێ نەئينن پا چاوا دێ بۆ يێت دى هەبيت، و خودێ چێتر دزانيت.
