ب/ زانايێت مە باراپتر ژ خودان سونەت و جەماعەتان دگەل هندێنە ئيزا دبيت ل سەر هەردووكان پێكڤە بيت، و دبيت ل سەر روحێ تنێ بيت، هەرچەندە هندەك دبێژن: ئيزا ل سەر روحێ تنێيە وەكى ئبن مەيسەرە و ئبن حەزم خودێ ژ هەردوويان رازى بيت، و بەلگە ل سەر ئيزادانا روح و لەشان ڤەگێرا بوخارى و موسلميە ژ ئەنەسى ڤەدگێرن، دبێژيت: پێغەمبەرى (سلاڤێت خودێ لێ بن) گۆت: (إِنَّ الْعَبْدَ إذا وُضعَ في قَبْرهِ وَتَوَلَّى عنه أَصْحَابُهُ وَإِنَّهُ لَيسْمَعُ قَرْعَ نِعَالِهِمْ أَتَاهُ مَلَكَانِ فَيُقْعِدَانِهِ فَيقُولَانِ ما كُنْتَ تَقُولُ في هذا الرَّجُلِ لِمُحَمَّدٍ (سلاڤێت خودێ لێ بن) فَأَمَّا الْمُؤمِنُ فيقول أَشْهَدُ أَنَّهُ عبد اللَّهِ وَرَسُولُهُ فَيُقَالُ له انْظرْ إلى مَقْعَدِكَ من النَّار قد أَبْدَلَكَ الله بِهِ مَقْعَدًا من الْجَنَّە فَيرَاهُمَا جميعا ويُفْسَحُ في قَبْرهِ وَأَمَّا الْمُنَافِقُ وَالْكَافِرُ فَيُقَالُ له ما كُنْتَ تَقُولُ في هذا الرَّجُلِ فيقول لَا أَدْري كنت أَقُولُ ما يقول الناس فَيُقَالُ لَا دَرَيْتَ ولا تَلَيْتَ وَيُضرَبُ بِمَطارقَ من حَدِيدٍ ضرْبَە فَيَصِيحُ صَيْحَە يَسْمَعُهَا من يَلِيهِ غير الثقَلَيْنِ) هەكە بەندە كرە د گۆرێ ويدا و هەڤالێت وى پشتا خۆ دانێ و وى گول شوين پێت وانە، دوو ملياكەت دێ هێنە دەف و دێ وى راكەنەڤە و بێژنێ: تو چ دبێژى بۆ موحەممەدى؟ هنديكە باوەردارە دێ بێژيت: ئەز شادەيێ ددەم پێغەمبەرێ خودێيە و بەندەيێ ويە، دێ بێژنێ بەرێ خۆ بدە جهێ خۆ ژ جەهنەمێ خودێ بۆ تە ب بەحەشتێ گوهۆرى، و دێ هەردوو جهان بينيت و گۆرێ وى دێ بۆ هێتە فرەهكرن، و هنديكە دووروى و گاورە دێ بێژنێ: و تە د راستا موحەممەديدا چ دگۆت: دێ بێژيت: ئەز نوزانم من ئەو دگۆت يا خەلكى دگۆت، دێ بێژنێ: نە تە زانيە.. نە تە گۆتيە، يان: نە تە ب خۆ زانيە و نە تە گوهدانا زانا كريە، دێ ماهۆلەكى ژ ئاسنى جارەكێ داننێ دێ قێژيەكێ راهێليت هەمى چێكريان دێ گولێ بيت مرۆڤ و ئەجنە نەبن، ديسا ئيمام ئەحمەد ژ دايكا مە موسلمانان عائيشايێ (خودێ ژێ رازی بیت)، ڤەدگێريت، دبێژيت: پێغەمبەرى (سلاڤێت خودێ لێ بن) گۆت: (فإذا كان الرَّجُلُ الصَّالِحُ اجلس في قبر غير فَزِعٍ وَلاَ مَشْعُوفٍ وإذا كان الرَّجُلُ السَّوْءُ اجلس في قَبْرهِ فَزِعاً مَشْعُوفاً) هەكە مرۆڤ يێ چاك بيت دێ د گۆرێ خۆدا نەترسايى و نەدل راستيايێ د ترساندا روينيت، و هەكە يێ خراب بيت دێ ترسيايى و دلراستيايى دترساندا دگۆرێ خۆدا روينيت. و بەلگە ل سەر ئيزادانا روحێ ب تنێ حەديسا بەرائێ كورێ عازبيە (خودێ ژێ رازی بیت)، ژ ڤەگێرانا ئيمام ئەحمەد و ئەبو داود و ئبن خوزەيمە و حاكم ئەوا دبێژيت: روحا مرۆڤێ موسلمان دێ ب كفنەكێ بێهن خۆش بەر ب عەسمانانڤە بلند بيت و ب خۆشى دێ پێشوازى لێ هێتەكرن، و هەكە روحا مرۆڤێ خراب هاتە كێشان دێ ب كفنەكێ گەنى هێتە پێچان و هێتە بلندكرن و دەرگەهێت عەسمانى بۆ ناهێنە ڤەكرن و پێشوازى و خێرهاتن لێ ناهێتەكرن و هەتا دويماهيا حەديسێ، و خودێ چێتر دزانيت.
