ب / دەستپێكێ دڤێت ئەم ياسايێت بەرزەخێ و د گۆريدا دگەل ياسايێت دنيايێ بەرامبەر ئێك نەكەين و نەئێخينە بەرێك، ئەو تشتێ بۆ مە ژ خودێ و پێغەمبەرێ وى (سلاڤێت خودێ لێ بن) هاتيە گۆتن دڤێت مە باوەرى پێ هەبيت وەكى بۆ مە هاتيە گۆتن بێى ئەم كاركەين بكەينە وێنە، و يێ باوەريێ ب وان زانينان نەئينيت ئەوێت بۆ مە ل دۆر گۆرى و پرسا گۆرى و ئيزايا وى هاتين ئەو دێ كەڤيتە د گۆريدا و دآ بەرهنگاربيتێ و ب چاڤ و دەستكرن دێ بينيت، و ل دويف حەديسێت پێغەمبەرى (سلاڤێت خودێ لێ بن) روح ڤەدگەريتە سەر لەشى و پسيار ژێ دهێتەكرن ئەبو داود ژ عوسمانێ كورێ عەفانى (خودێ ژێ رازی بیت) ڤەدگێريت، دبێژيت: (كانَ النَّبيُّ صَلّى اللهُ عَلَيْهِ وسَلَّم إذا فرَغَ من دفن المَيِّتِ وقَفَ علَيهِ، وقال: استغفِرُوا لأخِيكُم وسَلُوا لَهُ التَّثبيتَ فإنَّهُ الآن يُسأَلُ) دەمێ پێغەمبەرێ خودێ (سلاڤێت خودێ لێ بن) ژ ڤەشارتنا مرى ب دويماهى دهات ل سەر دراوەستيا و دگۆت: داخوازا گونەه ژێبرنێ بۆ برايێ خۆ بكەن و دوعا خۆراگرتنێ بۆ بكەن، ب راستى ڤێ گاڤێ پسيارا ژێ دهێتەكرن. و هەكە لەش هاتە سۆتن يان دەهبەيان خوار هنگى روحا وى يان دێ يا شاد بيت يان يا بەر ئيزا بيت، و رۆژا قيامەتى لەش و روح پێكڤە دێ رابن و مرۆڤ دێ خەلات و جزايێ خۆ ل سەر روح و لەشان وەرگرن، و خودێ چێتر دزانيت.
