ب: گەلبوونا خودێ دوو رەنگن.. گەلبوونا (مەعييەت) يا گشتى و يا تايبەت، يا گشتى رامانا زانينێ ددەت، ئانكو: خودێ ب زانينا خۆ دگەل مەيە، هەروەكى د ئايەتا حەفتدا ژ سۆرەتا موجاديلەدا هاتى: ((أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ مَا يَكُونُ مِن نَّجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِن ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ إِنَّ اللَّهَ بِكُلِّ شَيْءٍ عَلِيمٌ)) ئانكو: ئەرێ ما تە نەزانيە كا چ د عەرد و عەسماناندا هەيە خودێ دزانيت، نينە سێ كەس پستەپستێ دگەلێك بكەن يان ب دزيڤە دگەلێك باخڤن ئەگەر خودێ يێ چارێ نەبيت، ئانكو: ئاگەه ژێ نەبيت و نەزانيت، و نينە پێنج كەس پستەپستێ دگەلێك بكەن ئەگەر ئەو يێ شەشێ نەبيت، و نە كێمتر و نە زێدەتر، نينە خودێ ب زانينا خۆ دگەل وان نەبيت هەر جهێ لێ بن، پاشى دێ رۆژا قيامەتێ وان ب كار و كريارێت وان كرين ئاگەهداركەت. ب راستى خودێ ژ هەر تشتەكى ب ئاگەهە. و هەروەكى د ئايەتا چارێدا ژ سۆرەتا حەديدا هاتى: ((هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاءِ وَمَا يَعْرُجُ فِيهَا وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ )) ئانكو: و ئەوە يێ عەرد و عەسمان د شەش رۆژاندا چێ كرين، پاشى ب سەر عەرشێ خۆ كەفت ـ بلندبوونەكا هێژايى وى و بێ چاوايى ـ، و هەر تشتەكێ د عەرديدا دچيت ژ ئاڤ و خزينەيان و هەر تشتەكێ د بنڤە و ژێ دەردكەڤيت ژ چاندن و كانى و بيران... هتد، و هەر تشتەكێ ژ عەسمانى دئێتە خوارێ ژ باران و گژلۆك و بەفر و برويسى و ملياكەت و كتێبان و...، و هەر تشتەكێ بەر پێ بلند دبيت ژ كريارێت باش و دوعا و جان و ملياكەت و تەير و تەوال و هەلمێ و... هتد ژێ ب ئاگەهە، و ئەو ب زانين و شيانا خۆ هەر جهەكێ هوين لێ بن يێ دگەل هەوە، و خودێ هەر كار و كريارەكا هوين دكەن، ژێ ب ئاگەهە و دبينيت.
و گەلبوون و مەعەعييەتا خودێ ب رەنگێ تايبەت رامانا پشتەڤاني و سەركەفتن پارێزكرنێ ددەت، هەروەكى د ڤان ئايەتاندا هاتى: ((قَالَ لَا تَخَافَا إِنَّنِي مَعَكُمَا أَسْمَعُ وَأَرَىٰ)) ئانكو: خودێ گۆت: نەترسن ئەز يێ دگەل هەوە، ئانكو: پاراستن و هاريكاريا من يا دگەل هەوە و هەمى تشتان گولێ دبم و دبينم كا چ د ناڤبەرا هەوەدا دقەوميت. ((قَالَ كَلَّا إِنَّ مَعِيَ رَبِّي سَيَهْدِينِ)) ئانكو: مووسايى گۆت: نەخێر.. ئەو ناگەهنە مە نەترسن، ب راستى خودايێ من يێ دگەل من ب راستەرێيي و هاريكاريا خۆڤە، دێ رێكەكێ بۆ مە ڤەكەت و نيشا مە دەت. ((إِلَّا تَنصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَىٰ وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيمٌ )) ئانكو: ئەگەر هوين گەلى خودان باوەران پشتەڤانى و هاريكاريا پێغەمبەرێ من، موحەممەدى نەكەن، نێ ب راستى خودێ هاريكاريا وى كر، وەختێ گاوران ئەو پێغەمبەر ل مەكەهێ ئێك ژ دويان دەرئێخستى، وەختێ ئەو هەردوو د شكەفتێڤە بوون، دەمێ دگۆتە هەڤالێ خۆ ئەبو بەكرى ب خەم نەكەڤە، نێ خودێ يێ دگەل مە، ئانكو هاريكارى و پشتەڤانيا وى يا دگەل مە، هنگى خودێ دلرەحەتيا خۆ ب سەردا دارێت و پشتەڤانيا وى ب لەشكەرەكي كر هەوە نەدديت، و داخوازا گاوران بۆ شركێ و گاوريێ ب بن ئێخست، و داخوازا خودێ بۆ ئيسلامێ ب سەرئێخست و بلندكر، و خودێ ب خۆ سەردەست و كاربنەجهە، و خودێ چێتر دزانيت.
