ب / ئەڤ كتێبێت ئيمام ئبن تەيميە ئەڤێت بەردەستێ مە د چو ژ واندا ئەڤ گۆتنە نەهاتيە، و دبيت خەلكەك ڤێ گۆتنێ بۆ ئيمام ئبن تەيميە دزڤرينن، چونكى شاگردێ وى ئبن قەييم ئەڤ گۆتنە يا گۆتى و هزر ژ هندەكا هەر گۆتنەكا ئەو بێژيت يا ژ سەيدايێ خۆ ڤەگوهاستى، و ئەڤ گۆتنا ئبن قەييم نەيا ئبن تەيميەيە و د كتێبا خۆ يا (حادي الارواح الى بلاد الافراح)دا و د كتێبا (شفاء العليل في مسائل القضاء والقدر والحكمة و التعليل)دا ئەڤ گۆتنە ئينايە و ب درێژى ل سەر بۆچۆنێت زانايان ل سەر نەمانا ئاگرى يێ ئاخفتى و پشتەڤانايا وێ بۆچۆنێ ياكرى ئەوا دبێژيت: جەهنەمێ دويماهيەكا هەى و نامينيت، و پشتى ب درێژى بەلگە ئيناين و شرۆڤەكرين و بەرسڤێت بەلگەيێت بەرهنگار داين بۆ هندێ چۆ بهێليتە ب هيڤيا خودێڤە و پرسێ بنبر نەكەت و بۆچۆنا جمهور و جەماهيرێ زانايان دگەل هندێنە جەهنەم يا هەر و هەرە هەروەكى بەحەشت يا هەرو هەرە، و خودێ چێتر دزانيت.
