ب / ب راستى ئەڤە كارەكێ زێدە زيانكار و خەتەرە، ئەڤ كارە خودانێ خۆ ژ دينى دەردئێخيت، و هەكە ل خۆ نەزڤرى و تۆبە نەكر ژنا وى ژى، ژێ دچيت، و هەكە سێ هەيڤان ما ل سەر ڤى كارى هەر ل رۆژا گۆتى ژنا وى ئێكجار ژێ دچيت، چونكى ئەو ژ ژڤانێت خۆ ب سێ هەيڤان دەركەفت و عيددا وێ ب دويماهى هات و ژ زەلامێ خۆ خلاس بوو، هەكە بەرى هنگى تۆبە نەكربيت و ل خۆ نەزڤرى بيت، و مخابن گەلەك بۆ خۆ ب عنتەرى ددانن و ب سڤكى بەرێ خۆ ددەنە ڤى كارێ پويچ هەروەكى تشتەكێ كێمە، و هەرگاڤا كەربگرتى و عەسەبى بوون بەزينە خەبەران يان دێ بێژنە دينى يان حاشا پێغەمبەرى يان شەنگستەكى ژ شەنگستێت ئيسلامێ، و ئەڤە ئەنجامێت وێ يێت مەزنن، مرۆڤى ژ ئيسلامێ دەردئێخيت و گاور دكەت، يێ ترانا ب دينى دكەت ژ ئيسلامێ دەردكەڤيت، خودێ مەزن دبێژيت: ((وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ)) و ئەگەر تو پسيارا وان بكەى ژ وى تشتێ وان گۆتى دێ سويند خۆن و بێژن مە بەس ترانە د ناڤبەرا خۆدا دكرن و بەس ئاخفتن بوو، و مە چو مەخسەد پێ نەبوون. بێژە: ئەرێ هەوە ترانە ب خودێ و ئايەتێت وى و پێغەمبەرێ وى دكرن؟! هەى موحەممەد بێژە دوورويان: مهانە و هەجەتان نەگرن (عوزران نەخوازن) ژ هەوە نائێنە وەرگرتن، ب راستى هوين گاوربوون پشتى هەوە باوەرى ئينايى.
باشە هەكە يێ ترانان ب دينى بكەت گاور ببيت، پا تو چ دبێژى بۆ وى يێ خەبەرا دبێژيتە دينى يان ئەحكام و فەرمانێت دينى، و خودێ چێتر دزانيت.
