ب / راستە دڤێت مە باوەرى هەبيت هەرتشتێ خودێ نڤێسى و ڤياي دێ ئەو بيت و كەس نەشێت خۆ بدەتە بەر ـ باش بيت خراب بيت ـ و پێغەمبەر (سلاڤێت خودێ لێ بن) د ڤەگێرا ترمزيدا دبێژيت: (لا يُؤمِنُ عَبْدٌ حتى يُؤمِنَ بِالْقَدَر خَيْرهِ وَشَرهِ حتى يَعْلَمَ أَنَّ ما أَصَابَهُ لم يَكُنْ لِيُخْطئَهُ وَأَنَّ ما أَخْطَهُ لم يَكُنْ لِيُصِيبَهُ) بەندەى چو باوەرى نينە هەتا باوەريێ ب باشى و خرابيێت قەدەرێ نەئينيت، و هەتا نەزانيت ئەوا گەهشتيێ نە بۆ هندێ بوو نەگەهيتێ، و ئەوا نەگەهشتيێ نە بۆ هندێ بوو، و د ڤەگێرا ئيمام ئەحمەد و بەزار و تەبەرانيدا (خودێ ژ هەميان رازى بيت) ژ ئەبى زەرى (خودێ ژێ رازی بیت) هاتى، دبێژيت: پێغەمبەرى (سلاڤێت خودێ لێ بن) گۆت: (لِكُلِّ شيء حَقِيقَة وما بَلَغَ عَبْدٌ حَقِيقَة الإِيمَانِ حتى يَعْلَمَ ان ما أَصَابَهُ لم يَكُنْ لِيُخْطئَهُ وما أَخْطأَهُ لم يَكُنْ لِيُصِيبَهُ) هەر تشتەكى راستيا خۆ يا هەى، و چو بەندە ناگەهنە راستيا باوەريێ هەتا نەزانيت ئەوا گەهشتيێ (باشى بيت يان خرابى) نە بۆ هندێ بوو نەگەهيتێ، و ئەوا نەگەهشتيێ نە بۆ هندێ بوو بگەهيتێ،.
پشتى ڤێ.. دڤێت ئەم باش بزانين كەس چەندێ پايەبلند و دينداربيت نوزانيت كا چ تشت يێ نڤێسيە و چ نەيێ نڤێسيە هەتا بێژين خۆپاراستن ژ ڤى تشتى بێ مفايە، لەوا ئەم د فەرمانكرينە ئەگەران ب جه بينين و خۆ بپارێزين و بزانين كا چاوا ئەو تشتێ ئەم خۆ ژێ دپارێزين قەدەرا خودێيە وەسا بزانين ئەو تشتێ ئەم خۆ پێ دپارێزين ژى ژ قەزا و قەدەرا خودێيە، و هەكە هۆسا ئەم سەرەدەريێ دگەل قەدەرێ نەكەين مە ب دورستى باوەرى پێ نەئينايە، و خودێ چێتر دزانيت.
