ب / چو راستيا خۆ نينە، و دڤێت موسلمان باوەريا خۆ ب ڤان كێرنەهاتيان نەئينيت و بۆ ترانە ژى نەكەت و باوەريا خۆ نەدەتێ، مخابن گەلەك ژن گرنگيێ ددەنە ڤێ چەندێ و ل دويف دچن و ئەڤە يا خەلەتە، كەس غەيبێ نوزانيت خودێ مەزن نەبيت، و دبێژيتە پێغەمبەرێ خۆ (سلاڤێت خودێ لێ بن) بێژە: ((قُل لَّا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ وَلَوْ كُنتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَا إِلَّا نَذِيرٌ وَبَشِيرٌ لِّقَوْمٍ يُؤْمِنُونَ)) هەى موحەممەد بێژە: نە ب دەستێ منە مفايەكى بگەهينمە خۆ، يان زيانەكێ ژ خۆ بدەمە پاش، ئەو نەبيت يا خودێ حەزكرى، و ئەگەر من غەيب تشتێ نەئاشكرا و نەبوويى زانيبايە، دا پتر فايدەكەم و خوسارەت نەدبووم و زيان نەدگەهشتە من و ئەز ژ ئاگەهداركەر و مزگينئينى پێڤەتر نينم، بۆ وى ملەتێ باوەريێ بينيت. و بێژە ((قُل لَّا أَقُولُ لَكُمْ عِندِي خَزَائِنُ اللَّهِ وَلَا أَعْلَمُ الْغَيْبَ )) و ئەز نابێژمە هەوە خزينە و گەنجخانەيێت خودێ يێت ل دەف من كا وەرن دا بدەمە هەوە، و ب راستى تشتێ نەديار و نەبەرچاڤ ژى ئەز نوزانم. ڤێجا فنجان خوينەك يان دەست خوينەك چاوا دێ زانيت، و خودێ چێتر دزانيت.
