بەرسڤێت د فقهێ عيباداتاندا ل دۆر ژنێ

ب : هه‌ر گاڤا ده‌مێ نڤێژێ ل سه‌ر ژنێدا هات، ئه‌و نڤێژ ل سه‌ر فه‌رزبوو، و دڤێت وێ نڤێژێ بكه‌ت، و هه‌كه‌ هێشتا نه‌كری و پشتی ده‌مێ وێ هاتی كه‌فته‌ دعادێدا، هنگی هه‌ر ده‌مێ پاقژبوو دڤێت وێ نڤێژێ بكه‌ت، ئه‌و ده‌مێ وییه‌، و ئه‌ڤه‌ بوچونا شافعی و حه‌نبه‌لیانه‌ و دا ژن به‌رهنگاری ڤی كراسی نه‌بیت ئه‌ز وێ شیره‌تكه‌م تایبه‌ت رۆژێت وێ یێت نێزیكی عادێدا ئه‌و زی نڤێژا خۆ بكه‌ت و گێرو نه‌كه‌ت دا نه‌كه‌ڤیته‌ دڤی كراسیدا و ل ده‌ف مالكی و حه‌نه‌فیان ئه‌و نڤێژ ل سه‌ر واجب نینه‌ چونكی به‌ری ده‌مێ وێ ب دویماهیك بهێت عوزر و ده‌ستوری بۆ وێ چێ بوو و ئبن ته‌یمیه‌ ڤێ بوچونێ ب هێزتر ددانیت و خودێ چێتر دزانیت.