ب : هه‌ر گاڤا ژن پاقژبوو ئه‌و نڤێژا د ده‌مێ وێدا پاقژبووی دڤێت وێ نڤێژێ بكه‌ت هێژ ده‌مێ وێ نه ده‌ركه‌فتی، به‌لكی جمهورێ زانایان دبێژن ئه‌و نڤێژ و یا به‌ری وێ ژی یا ل گه‌ل وێ دھێته كومكرن ل سه‌ر وێ واجبه، بۆ نمونه هه‌كه به‌ری مه‌غره‌ب پاقژبوو، نڤێژا ئێڤاری ل سه‌ر واجبه بكه‌ت و نڤێژا نیڤرۆ ژی واجبه بكه‌ت؛ چونكی ئه‌و ل گه‌ل دھێته كومكرن" و دیسا هه‌كه به‌ری سپێدێ پاقژبوو هێژ ده‌مێ عه‌یشا مای هنگی دڤێت یا عه‌یشا بكه‌ت و یا مه‌غره‌ب ژی ل گه‌ل بكه‌ت، به‌لێ حه‌سن به‌صری و ثه‌وری و حه‌نه‌فی دبێژن به‌س دێ وێ نڤێژێ كه‌ت یا تێدا پاقژبووی، و یا دی ل سه‌ر واجب نینه؛ چونكی ئه‌و ده‌ستویردای ژ وی ده‌می ده‌ركه‌فت نڤێژا وی ده‌می ل سه‌ر واجب نابیت و ب راستی ئه‌ز ڤێ بوچونێ ب هێزتر و دورستتر دبینم، به‌س دێ وێ نڤێژێ كه‌ت یا تێدا پاقژبووی و خودێ چێتر دزانیت.
