بەرسڤێت د فقهێ عيباداتاندا ل دۆر ژنێ

ب : به‌س ژنا دچلكاندا و یا دژڤاناندا نابیت بچیته‌ مزگه‌فتێ و بۆ ژنا دووگیان هه‌یه‌ ب چیته‌ مزگه‌فتێ و نڤێژا خوتبێ و بۆ كه‌سێ نینه‌ ب هجه‌تا دووگیانیێ رێكی لی بگریت، هه‌كه‌ نه‌شێت رابیت و بروینیت بۆ هه‌یه‌ ل سه‌ر كورسیكێ نڤێژا خۆ بكه‌ت، یان روینشتی، به‌لێ نا بیت ئه‌و كاره‌كێ بكه‌ت خارن یان ڤه‌خوارن زیان تێدا ب گه‌هیته‌ بچویكێ وێ و نه‌مینیت و بچیت، و هه‌ر ژ به‌ر هندێ ژی خودایێ مه‌زن بۆ ژنا دووگیان دورستكر ئه‌و رۆژیان نه‌گریت هه‌كه‌ زحمه‌ت ب رۆژیێ بۆ دورست ببیت، و هوسا هه‌كه‌ ئه‌و چونا خۆ بۆ مزگه‌فتێ زحمه‌ت نه‌بینیت چ تێدا نینه‌ ئه‌و ب چیته‌ مزگه‌فتێ نه‌ به‌س بۆ خوتبێ تنێ، به‌لكی بۆ هه‌ر پێنج نڤێژان، نه‌خاسمه‌ ئه‌م دزانین نوژداری ژنا دووگیان شیره‌تدكه‌ت بزاڤێ بكه‌ت و بیت و بچیت دا ساخله‌میا خۆ بپاریزیت و خودێ چێتر دزانیت.