ب : ئه‌و موسلمانێ دلێ ب مزگه‌فتاڤه گرێدایی ئه‌و ئێك ژ وان حه‌فت مرۆڤانه ییت رۆژا قیامه‌تێ ده‌كه‌ڤنه بن سیبه‌را عه‌رشێ خودایێ خۆڤه، و ئه‌ڤه كاره‌كێ باشه، و مزگه‌فت مالێت خودینه، و شرینترین و خوشتڤیترین جهن ل سه‌ر ئه‌ردی ل ده‌ف خودێ، و ئه‌م ده‌ستخوشیێ ل دایكا ته دكه‌ین، هوسا حه‌ژ مالا خودێ بكه‌ت، به‌لێ نابیت ئه‌و ئه‌زیه‌تا جیرانێت خۆ بكه‌ت، و خوشیا خۆ ل سه‌ر كیستێ هنده‌كێت دی ئاڤاكه‌ت، هه‌كه جیرانێت وان ده‌ستویری دابیتێ و ب ڤی كاری یێت دلخوش بن دورسته، و وی ده‌می دایكا ته‌ژی یا خودان خێره و جیرانێت هه‌وه ژی خودان خێرن؛ چونكی ئه‌و بۆنه رێ خوشكه‌ر دایكا ب چیته مزگه‌فتێ، و نڤێژا ب جه‌ماعه‌ت بكه‌ت، و ئه‌ڤه هاریكرنه ل سه‌ر خێری، و خودایێ مه‌زن فه‌رمانا نه كریه ئه‌م ل سه‌رخێرێ و باشیی هاركارێت هه‌ڤدوو بین، دبێژیت: (وَتَعَاوَنُواْ عَلَى الْبرِّ وَالتَّقْوَى) به‌لێ هه‌كه جیران ب ڤی كاری نه‌خوشبن و ئه‌زیه‌تا خۆ دبینن، بلا دایكا ته وه‌نه‌كه‌ت، و بلا هزرنه‌كه‌ت ئه‌و خێره‌كێ دكه‌ت، به‌لكی یا گونه‌هه‌كێ دكه‌ت؛ چونكی نڤێژا ب جه‌ماعه‌ت ل سه‌روێ ل مزگه‌فتێ واجب نینه، به‌لێ ل سه‌ر وێ واجبه ئه‌زیه‌تا جیرانێت خۆ نه‌كه‌ت، و خودێ چێتر دزانیت.
