ب/ هەكە بچويكێ ب شير، كور بيت و بميزتە ب مرۆڤيڤە، بۆ پاقژكرنێ بەس دێ ئاڤێ ل جهێ ميزا وى رەشينين، و ئەڤە پاڤژكرنا ميزا بچويكێ ب شيرە، هەكە كور بيت، و هەكە كچ بيت، دڤێت بێتە شويشتن. ژبەر چ ئەڤ جوداهيە هەيە؟ چونكى ژ پێغەمبەرى (سلاڤێت خودێ لێ بن) هاتيە زانين، هەروەكى ئيمام عەلى (خودێ ژێ رازی بیت) ژێ ڤەگوهاستى: ميزا كوركى دهێتە رەشاندن و يا كچێ دهێتە شويشتن، ئەڤە هەكە ب شير بن و خوارنێ نەخۆن، و هەكە خوارن خوار.. يا هەردووكان وەكى ئێكە، و دڤێت بێتە شويشتن. نهێنى و حيكمەت ژ ڤێ جوداهيێ ئەڤەيە هەروەكى زانا دبێژن: ژن و زەلام بچويكێ كور هەلدگرن، و پتر ژ كچێ، دبيت كچا ب شير گەلەك نەهەلينن، و هۆسا دا زەحمەت بۆ گەلەكان چێ نەبيت ئەڤ جوداهيە د پاقژكرنا هەردووكاندا هات. ديسا ميزا كورى بەلاڤ دبيت و د جهەكى ب تنێدا ناچيتە خوارێ، و ب زەحمەتە هەمى بێتە شويشتن، و بەروڤاژى ميزا كچێ د جهەكى ب تنێدا دچيت و ساناهيە بێتە شويشتن، و ئەڤرۆ زانستێ ئەگەرەكێ دي ژى دا دگەل، ئەو ژى ئەڤەيە: ميزا كچێ چل جاران پتر بەكتريا يا د ناڤدا ژ يا كورى، و خودێ چێتر دزانيت.
