ب / هەكە مرۆڤ درەنگ رابوو، و هەوجەى سەرشويشتنێيە ـ چ ژن چ ژى زەلام ـ و ترسيا هەتا ئاڤێ گەرم بكەت نڤێژا وێ ژێ بچيت، ل دەف جمهورێ زانايان بۆ هەيە تەيەمومێ بكەت و نڤێژا خۆ ب تەيەمومێ بكەت، ديسا هەكە ئاڤ يا تەزى بيت و نەشێت ب كار بينيت، يان ژى وەخت نەبيت گەرم بكەت، بۆ هەيە تەيەمومێ بكەت.
ئيمامێ بەيهەقى (خودێ ژێ رازی بیت) د سونەنا خۆدا ژ عەمرێ كورێ عاسى (خودێ ژێ رازی بیت) ڤەدگێريت، دبێژيت: شەڤەكا سەرما د غەزوا (ذات السلاسل)دا شەيتان هاتە من و ئەز ب جنابەت كەفتم، ئەز ترسيام سەرێ خۆ بشۆم، بمرم. من تەيەموم كر، و پاشى سپێدێ من نڤێژ بەرى هەڤالێت خۆ كر. ئەڤە گەهاندە پێغەمبەرێ خودێ (سلاڤێت خودێ لێ بن)، من گۆت: ئەى پێغەمبەرێ خودێ.. من يا گولێ بووى خودێ دبێژيت: ((وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا))، ئانكو: خۆ نەكوژن، خودێ يێ دلۆڤانە ب هەوە. و ئەز دترسيام هەكە سەرێ خۆ بشۆم.. بمرم، لەوا من تەيەموم كر. ئينا (سلاڤێت خودێ لێ بن) كرە كەنى و چو نەگۆت. و ئەڤ كەنيە بەلگەيە ل سەر رازيبوونێ و دورستيا ب كارئينا تەيەمومێ هەكە ئاڤ يا تەزى بيت و مرۆڤ ترسيا تشتەك لێ بهێت هەكە ئاڤێ ب كار بينيت، و خودێ چێتر دزانيت.
