ب / ل دويف بۆچۆنا جمهورێ زانايان، پێ ژنێ عەورەتە، و دڤێت بێتە ڤەشارتن؛ ژبەر حەديسا دايكا مە موسلمانان ئوم سەلەمە(خودێ ژێ رازی بیت)، دبێژيت: من گۆتە پێغەمبەرى (سلاڤێت خودێ لێ بن) ئەرێ دورستە ژن نڤێژێ ب قەميسى (دشداشەى) و دەرسۆكێ بكەت، و ئيزار ل بەر نەبيت؟ گۆت: ((بەلێ، هەكە قەميس يێ فرەه بيت و پشتا پێت وێ بگريت))، ژبەر ڤێ حەديسێ جمهورێ زانايان دبێژن: دڤێت ژن پێت خۆ ڤەشێريت، ب هەر تشتێ هەبيت، ب دشداشێ خۆ، يان ب گۆرێ، يان ب شەملكێ، يان ب هەر تشتەكێ هەبيت.
بەلێ زانايێت حەنەفى خودێ ژ وان رازى بيت دبێژن: ڤەشارتنا پيان ل سەر ژنێ نەواجبە، و هەكە نڤێژ كر و پێت وێ ديار.. نڤێژا دورستە؛ چونكى پێ ل دەف وانا نەعەورەتە، و ئەمرێ پێغەمبەرى (سلاڤێت خودێ لێ بن) ئەڤە ژ بابەتێ سونەت و ئستيحبابێيە نەواجبە، و خودێ چێتر دزانيت.
